“Ta eo imarōn̄ kōm̧m̧ane n̄e ij en̄jake ke ijjab bōk en̄jake ko ilo jetōb?,” N̄an Kōkajoorļo̧k Jodikdik ro, Jept. 2023.
Kajjitōk ko im Uwaak ko
“Ta eo imaron̄ kōm̧m̧ane n̄e ij en̄jake ke ijjab bōk en̄jake ko ilo jetōb?”
Kejokļo̧kijeņ, Jeje, im Ļōmņak
“Ilo jem̧ļo̧kin juon raan, ij bōk iien n̄an kejekļo̧kjeņ im je ta eo ilo ļōmņak eo aō kōn en̄jake ko il jetōb ij bōki lo raan eo im ļōmņak kaki. Jabdewōt iien ij kōm̧m̧ane menin, ij en̄jake ainōm̧m̧an. Ej barāinwōt kakeememej eō n̄an kappukot en̄jake ko ilo jetōb aolep raan.”
Kianna G., 16, Zamboanga del Norte, Philippines
Kajjitōk Ippān Anij
“Wōņm̧aanļo̧k ilo riiti jeje ko rekwojarjar am̧ im jar kajjojo raan ej juon wāween eļap an em̧m̧an n̄an kwaļo̧k n̄an Anij bwe kwoj kōņaan bōk en̄jake ko ilo jetōb. Eļan̄n̄e koj en̄jake ke kwojjab bōk en̄jake ko ilo jetōb, innem kajjitōk ippān Anij ilo m̧ool n̄an jipan̄ eok kile er. Ej iakwe eok im enaaj uwaake jar ko am̧ ilo am̧ kappukot n̄an kōm̧m̧ane ijo koņaam̧.”
Elijah C., 15, Utah, USA
Kwōn Kijenmej
“Kwon kijenmej. En̄jake ko am̧ reban aolep iien āinwōt ko an ro jet’.”
Isabella F., 16, São Paulo, Brazil
Mour kōn Gospel eo
“Jenaaj bōk im̧we ko an jetōb jān ad riiti jeje ko rekwojarjar, ron̄jake naan ko an rikanaan eo, jitlo̧k, jar, im etal n̄an tampeļ eo, im jerbal n̄an ro jet. Men kein renaaj jipan̄ eok ipaakeļo̧k Kraist im ļapļo̧k am̧ en̄jake im̧we ko jān Jetōb Kwojarjar me ej boktok n̄an kōj ainōm̧m̧an.”
Nellie R., 16, Hidalgo, Mexico
Kanooj Leļo̧k Am̧
“Jej aikuj aolep iien keememej n̄an kanooj leļo̧k ad n̄an im̧we ko an Jetōb Kwojarjar. Jemaron̄ bōki ilo men ko reddiktata. Em̧ool men̄e reddik, remaron̄ epan̄ūjn̄ūj n̄an mour indeeo.”
Melissa A., 14, Paraíba, Brazil