“N̄e Juon eo Jej Iakwe Ewōr Ippān Apan̄ in Nan̄inmej ko Ilo Kōļmenļo̧kjeņ,” N̄an Kōkajoorļo̧k Jodikdik ro, Jept. 2023.
Mour Jipan̄
N̄e Juon eo Jej Iakwe Ewōr Ippān Apan̄ in Nan̄inmej ko Ilo Kōļmenļo̧kjeņ
Erkein jet ļōmņak ko n̄an ļōmņak kaki n̄e kwoj jipan̄ juon eo ej en̄taan jān inepata, imijakjak, ak apan̄ ko jet ilo en̄jake.
Kōmeļeļe ko jān Toby Newsome
Emaron̄ pen n̄an lale an juon m̧ōttad ak uwaan baam̧le eo ad en̄jake inepata, imijakjak, ak nan̄inmej ko jet ilo kōļmenļo̧kjeņ Kwomaron̄ kōņaan kōm̧m̧ane juon men n̄an jipan̄ ak kojjab lukkuun jeļā ta.
Erkein jet ļōmņak ko n̄an ļōmņak kaki ilo am̧ ļōmņak kōn wāween am̧ maron̄ jipan̄ juon eo ej apan̄ kōn nan̄inmej ilo kōļmenļo̧kjeņ.
1. Tōpareļo̧k.
Eļan̄n̄e kwoj ļōmņak eļan̄n̄e em̧m̧antata n̄an tōpareļok er ak ped wōt: ejjeļo̧k kajjitōk tōpareļo̧k. Jemjerā ko reipaake doon ilo ekōnono eļap an jipan̄ armej ro rej apan̄ kōn nan̄inmej ilo kōļmenļo̧kjeņ. Ekōnono ippāer. Boub ippāer. Emaron̄ juon men eo eļam waan ak ej make waļo̧k, ak kwon tōpareļo̧k.
2. Jab leļo̧k naan in rojan̄ m̧ae iien rej kajjitōk ippem̧ n̄an leļo̧k.
Eļan̄n̄e juon ejjan̄in kajjitōk ippem̧ n̄an jipan̄, jab jinoe leļo̧k naan in rojan̄ ko. Mae iien em̧ōj kajjitōk ippem̧, pedped wōt ioon em̧m̧an n̄an e, kea, im jouj.
3. Kwon kōkm̧anm̧an, ļōmņak kajoor, im kōmaanwa.
N̄e juon armej ej kajjitōk ippem̧ kōn jipan̄, ļoor waanjon̄ak eo an Rilo̧mo̧o̧r. Jar n̄an Jemedwōj Ilan̄ kōn im̧we. Kwon kōketak. Kōnono n̄an er ilo kōkm̧anm̧an. Ba men ko rem̧m̧an. Kwaļo̧k am̧ meļeļe im kōmaanwa. Kwaļo̧k bwe ren jeļā ke kwoj rie er im kwoj ped n̄an jipan̄ er. Kōkm̧anm̧an ilo am̧ rojan̄ er n̄an kappukot jipan̄ ko jān jikin ko reļļap.
4. Kwon kijenmej im niknik,
Armej ro rej apan̄ jet iien rejjab ekōnono ak kam̧oolol. Ak kwon kijenmej. Ped wōt ippāer. Makeļo̧k iaer ejjab juon men ājimourur n̄an er. Jab kanoojin bōjrak jān er n̄e rejjab uaak ilo wāween eo kwoj kōņaan.
5. Kōjeparok eok make bar.
Kanoojin kōm̧m̧an bwe kwoj kappukot lan̄lōn̄ ilo mour eo am̧. Wōnm̧aanļo̧k ilo am̧ jar im ekktak jeje ko rekwojarjar. Etal n̄an tampeļ Kōm̧m̧āne men ko jet eitok limoum ie. Jab kōtļo̧k an m̧ōk im inepata kōn jekjek eo juon eo kwoj iakwe ej jelm̧aik kaddoik eok, Pukotļo̧k ro jet n̄an jipan̄ eļan̄n̄e kwoj aikuji.