“Fakafehokotakí,” Ki Hono Fakamālohia ʻo e Toʻu Tupú, ʻOkatopa 2023.
Fakafehokotaki
David G.
12, Heletia, Kositā Lika
Laʻitā meia Christina Smith
ʻI he taimi ʻoku ou lotu aí, ʻoku ou ongoʻi ʻe ʻiate au maʻu ai pē ʻa e ʻOtuá. Talu hoku papitaisó pea kamata ke u lotú, kuó u ongoʻi hangē ʻokú Ne tokoniʻi mo fusi au ki muʻa kae lava ke u toe foki kiate Ia.
ʻI he taimi naʻe puke kotoa ai hoku fāmilí, naʻá ku lotua ʻaki hoku lotó kotoa ke tokoniʻi kimautolu ʻe he ʻEikí kae ʻikai fakaʻau ke toe kovi ange. Naʻá ku ongoʻi naʻá Ne tali mai pea te Ne tokoniʻi kimautolu. Naʻá ku ongoʻi ha fiefia lahi, pea naʻá ku toe tui lahi ange ai kiate Ia mo Hono ʻAlo ko Sīsū Kalaisí.
Ke lahi ange ʻetau fanongo kiate Iá, ʻoku ou ongoʻi ʻoku totonu ke tau lotu, kae ʻikai ko e kehe pē ke fai. Ka ʻoku totonu ke tau lotu mei he lotó. ʻOkú Ne fanongo mai kiate kitautolu. He ʻikai ke Ne teitei liʻaki kitautolu, pea te Ne ʻiate kitautolu maʻu ai pē.