“ʻE Lava ʻe he Fakamoʻuí ʻo Tokoniʻi Au ʻi he Akó,” Ki Hono Fakamālohia ʻo e Toʻu Tupú, ʻOkatopa 2023.
ʻOku ou Faʻa Fai ʻa e Ngaahi Meʻa Kotoa pē ʻia Kalaisi
ʻOku vahevahe ʻe he toʻu tupú ʻa e founga kuo fakamālohia ai kinautolu ʻe Kalaisi ke nau fai ʻa e ngaahi meʻa ʻoku faingataʻá (vakai, Filipai 4:13).
ʻE Lava ʻe he Fakamoʻuí ʻo Tokoniʻi Au ʻi he Akó
ʻI he ngaahi māhina siʻi kuo hilí, naʻá ku faingataʻaʻia ʻi he akó. Naʻá ku ongoʻi halaia ai koeʻuhí naʻe ʻikai faingataʻaʻia hoku ngaahi kaungāmeʻá ʻo hangē ko aú. Naʻá ku loto-foʻi mo taʻe-fiemālie ʻiate au pē, pea naʻá ku pehē naʻe ʻikai ha taha te ne maʻu ha mahino fekauʻaki mo au.
Ka naʻá ku mamata leva ʻi he konifelenisi lahí. Naʻá ku fakatokangaʻi ʻoku ʻafioʻi lelei au ʻe he ʻEikí. ʻOku fiemaʻu ke u ofi ange kiate Ia ke maʻu ha tokoni mo ha fakafiemālie. ʻOku ʻi ai ha founga ke fakaleleiʻi ʻaki ʻeku ngaahi palopalemá kapau te u nofotaha pē kia Sīsū Kalaisi.
Taimi ʻe niʻihi ʻoku ʻikai mahino kiate au ʻa e ʻuhinga ʻoku ou foua ai ʻa e ngaahi meʻa faingataʻá, ka ʻoku ʻafioʻi ia ʻe he Fakamoʻuí. ʻOkú Ne ʻafioʻi ʻa e meʻa ʻoku ou malava ʻo fakahokó. ʻOku ou ʻiloʻi ʻoku ʻofa ʻa e Tamai Hēvaní mo Sīsū Kalaisi ʻiate au pea te Na lava ʻo tokoniʻi au ke u fakalakalaka kapau te u feinga.
ʻAna Sofia P., Puepilā, Mekisikou