“Ko e Fehangahangai mo e Loto-Hohaʻá ʻi he Ngāue Fakafaifekaú,” Ki Hono Fakamālohia ʻo e Toʻu Tupú, ʻOkatopa 2023.
ʻOku ou Faʻa Fai ʻa e Ngaahi Meʻa Kotoa Pē ʻia Kalaisi
ʻOku vahevahe ʻe he toʻu tupú ʻa e founga kuo fakamālohia ai kinautolu ʻe Kalaisi ke nau fai ʻa e ngaahi meʻa ʻoku faingataʻá (vakai, Filipai 4:13).
Ko e Fehangahangai mo e Loto-Hohaʻá ʻi he Ngāue Fakafaifekaú
ʻI he aʻu ki he vaeua ʻeku ngāue fakafaifekau ʻi ʻAlesona, USA, naʻá ku fuofua aʻusia ai ʻa e loto-tailiilí. Naʻá ku talanoa ki he kau takí, kole tokoni, mo lotu lahi. Ka naʻe hangē naʻe ʻikai maʻu ʻa e tokoni naʻá ku fiemaʻú. Naʻá ku ongoʻi tuenoa mo ilifia. Naʻe toe talamai foki mahalo ʻe fiemaʻu ke u foki ki ʻapi.
Naʻe telefoni mai ʻeku faʻeé ʻi ha ʻaho ʻe taha. Naʻá ne fehuʻi mai, “Te ke lava ʻo toe hoko atu?” Ne u tali ange, “Heiʻilo. ʻOku ʻikai ke u ʻilo.” Naʻe pehē mai leva ʻeku faʻeé, “Ke pehē te ke lava ʻo toe hoko atu ha māhina ʻe taha?” Ne u talaange, “Heiʻilo.”
Naʻá ne fehuʻi mai, “Fēfē ha uike ʻe taha?” Naʻá ku toe pehē ange, “ʻOku ʻikai ke u ʻiloʻi.” Naʻá ne fehuʻi mai, “Fēfē ha toe ʻaho ʻe taha?” “ʻOku. ʻIkai. Te u ʻIlo,” Ko ʻeku talí ange ia.
Naʻá ne ʻeke mai leva, “Te ke lavaʻi nai ha toe miniti ʻe taha?” Faifai peá u pehē ange, “ʻIo.” Naʻá ne talamai, “Fakahoko pē ia. ʻAlu mei he miniti ki he miniti, kae ʻoua kuó ke aʻu ki ha houa ʻe taha. Pea tuku leva ke fakalakalaka māmālie. ʻOua ʻe fakavavevave. Tuku pē ke puleʻi ʻe he ʻOtuá. ʻOku ou palōmesi atu te ke sai pē.”
Naʻá ku falala ki heʻene ngaahi leá. Kuo meimei māhina ʻeni ʻe 21. ʻOku ou kei fefaʻuhi pē mo e moʻui lelei fakaeʻatamaí ʻi he taimi ʻe niʻihi. Ka ʻoku ou toe aʻusia foki ha fiefia lahi. Pea ʻoku ou tui ʻi heʻeku fakahoko māmālie ʻi he miniti ki he minití, te u lava ʻo fakahoko ʻeni ʻi he mālohi ʻo e ʻEikí mo ʻEne Fakalelei taʻe-fakangatangatá. ʻOku moʻoni ʻa e fefaʻuhi mo e moʻui lelei fakaeʻatamaí. Ka ʻi heʻetau tafoki kia Kalaisí, te tau lava ʻo fakahoko ha ngaahi meʻa faingataʻa.
ʻEletā Rhett Turley, Arizona Mesa Mission