“Ko e Kau Taaupoʻou ʻe Toko 10,” Ki Hono Fakamālohia ʻo e Toʻu Tupú, ʻOkatopa 2023.
Ko e Ngaahi Talanoa Fakatātā ʻa e Fakamoʻuí
Ko e Kau Taaupoʻou ʻe Toko 10
Naʻe tatali ha kau fafine ʻe toko 10 ke nau kau fakataha mo e tangata taʻané ki he taʻané.
Naʻe mateuteu ʻa e toko 5 mo ha lolo feʻunga ke fakaulo ʻaki ʻenau ngaahi māmá ʻi he poʻulí. Ko e toko 5 naʻe ʻikai.
Naʻe tuai mai ʻa e tangata taʻané, pea naʻe tō ʻa e kau tāupoʻoú ʻo mohe ʻi heʻenau tatali ʻi ha ngaahi houa lahi ʻi he fakapoʻulí.
ʻI he taimi naʻe fanongonongo ai ʻene hāʻele maí, naʻa nau ʻā hake ʻo ʻilo kuo mate ʻenau ngaahi māmá.
Naʻe fakalahi atu ʻe he kau fefine poto ʻe toko 5 ha lolo lahi ange ke toe ulo ʻaki ʻe heʻenau ngaahi māmá. Ka naʻe ʻikai ke nau lava ʻo vahevahe ʻenau loló moha taha ʻi he kau fafine vale ʻe toko 5 kuo ʻosi ʻenau loló.
Lolotonga ʻa e kei kumi lolo ʻa e toko 5 naʻe valé, naʻe haʻu ʻa e tangata taʻané.
Naʻe aʻu tōmui mai ʻa e toko 5 valé ki he taʻané ʻo kole ke nau hū ki loto.
Ka naʻe pehē ʻe he tangata taʻané, “[ʻOku ʻikai te mou ʻilo au,]” pea naʻe liʻaki kinautolu ʻi tuʻa (Joseph Smith Translation, Matthew 25:12).
ʻOku ʻUhinga ia ki he Hā?
Kuo folofola ʻa e Fakamoʻuí ko e talanoa ko ʻení ʻoku fekauʻaki ia mo ʻEne Hāʻele ʻAngaua Maí (vakai, T&F 45:56–59). Kapau he ʻikai ke tau mateuteu, he ʻikai ke ʻiloʻi kitautolu ko Hono kakai. ʻI Heʻene toe hāʻele maí, he ʻikai ke tau lava ʻo fakafalala ki he fakamoʻoni ʻa e niʻihi kehé. ʻOku fiemaʻu pē haʻatautolú. ʻOku fiemaʻu ke tataki kitautolu ʻe he Laumālie Māʻoniʻoní. Ka ʻikai, he ʻikai ke tau mateuteu ke feʻiloaki mo e Fakamoʻuí ʻi Heʻene toe hāʻele maí.
Houʻeiki Fafine ʻe Toko 10: Kāingalotu ʻo e Siasi ʻo Kalaisí
Tangata Taʻané: Sīsū Kalaisi
Hāʻele Mai ʻa e Tangata Taʻané: Hāʻele ʻAngaua Mai ʻa Sīsū Kalaisí