“ʻMaʻá e Taimi ʻOkú ke Ongoʻi Tuenoa aí,” Ki Hono Fakamālohia ʻo e Toʻu Tupú, ʻOkatopa 2023.
ʻOku ou Faʻa Fai ʻa e Ngaahi Meʻa Kotoa pē ʻia Kalaisi
ʻOku vahevahe ʻe he toʻu tupú ʻa e founga kuo fakamālohia ai kinautolu ʻe Kalaisi ke nau fai ʻa e ngaahi meʻa ʻoku faingataʻá (vakai, Filipai 4:13).
Maʻá e Taimi ‘Okú ke Ongoʻi Tuenoa aí
Kuó u fefaʻuhi ʻi he taimi ʻe niʻihi ʻi heʻeku moʻuí mo e ongoʻi tuenoá. Kuó u ongoʻi ʻi he taimi ʻe niʻihi hangē naʻe ʻikai ke u mahuʻinga pe fiemaʻu aú. Kuó u ongoʻi naʻa mo hoku ngaahi kaungāmeʻa ofí mo e fāmilí naʻe ʻikai mahino kakato kiate kinautolu ʻa e meʻa naʻá ku fouá.
Ka ʻi heʻeku ʻalu ki ha konifelenisi KFT, naʻá ku ongoʻi ha fiemālie mo e nonga mei he Laumālie Māʻoniʻoní. Naʻe tokoni ʻeni ke u ʻiloʻi ko hai moʻoni au pea ʻoku moʻoni ʻa e ongoongoleleí. Naʻe kamata ke u sio kia Kalaisi mo falala kiate Ia mo ʻEne Fakaleleí. Naʻá ku fakatokangaʻi naʻá Ne ʻafioʻi au mo mahino [kiate Ia] ʻa e meʻa naʻá ku ongoʻí. Kuo liliu ʻeku fakakaukaú, pea ʻoku ou feinga ʻi he taimí ni ke tokoniʻi ʻa e niʻihi kehé ke nau haʻu kiate Ia.
Sēkope C., ʻIutā, USA