“Ko e hā ʻoku fuʻu mahuʻinga ai ke mapuleʻi ʻeku leá?,” Ki Hono Fakamālohia ʻo e Toʻu Tupú, ʻOkatopa 2023.
ʻAi Hangatonu [Hoʻo Talí]
Ko e hā ʻoku fuʻu mahuʻinga ai ke mapuleʻi ʻeku leá?
Kuo faʻa akoʻi kitautolu ʻe he ʻEikí mo ʻEne kau palōfitá ke tau mapuleʻi ʻa e meʻa ʻoku tau lea ʻakí. Kuo nau toe akoʻi mai foki ʻa e ʻuhinga ki hono fai iá. Ko ha niʻihi pē ʻeni:
ʻOku fakahaaʻi ʻe hoʻo ngaahi leá ʻa e meʻa ʻi ho lotó. Naʻe akonaki ʻa Sīsū Kalaisi, “ʻOku lea ʻa e ngutú mei he meʻa lahi ʻoku ʻi he lotó” (Mātiu 12:34). “Fakapapauʻi ʻoku fakahaaʻi ʻe hoʻo leá ʻa e ʻofa ʻa e ʻOtuá mo e niʻihi kehé” (Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí [2022], 12).
ʻOku fakahaaʻi hono mapuleʻi hoʻo leá ʻa e mapuleʻi kitá. Naʻe akoʻi ʻe Sēmisi, “Kapau ʻe ʻikai tūkia ha taha ʻi he leá, ko e tangata haohaoa ia, pea ʻoku faʻa fai ʻe ia ke taʻofi ki he sinó kotoa” (Sēmisi 3:2).
ʻOku totonu ke langaki moʻui ʻa e ngaahi lea ʻa e ākongá. Naʻe akonaki ʻa e ʻAposetolo ko Paulá ʻo pehē, “Ke ʻoua naʻa haʻu ha talanoa ʻuli mei homou ngutú, ka ko ia ʻoku leleí ʻo ʻaonga ke langa ʻaki hake, koeʻuhí ke tupu ai ʻa e tokoni ki he kau fanongó” (ʻEfesō 4:29).
ʻOku uesia ʻe he meʻa ʻokú ke lea ʻakí hoʻo malava ke maʻu ʻa e Laumālié. “ʻOku fakatou fakaholomui mo fakamamahi ʻa e lea koví ki he laumālié” (Gospel Topics, “Profanity,” topics.ChurchofJesusChrist.org).