M̧wen̄an eo an Ālkin Rālep in Jabōt
Ļōmņak kōn Selestial!
Jidik in kōnono in
Ikar maron̄ ekkatak kōn karōk eo an Jemedwōj Ilan̄ n̄an kōj ej kabwilōn̄lōn̄, bwe ta eo jej kōm̧m̧ane ilo mour in eļap tokjeņ, im bwe Pinmuur eo an Rilo̧mo̧o̧r ej men eo ej kōm̧m̧an an Jemed en pidodo. …
… Rainin, n̄an jipan̄ eok karbab n̄an kōjeraam̧m̧an ko reļļap an Jemedwōj Ilan̄ n̄an eok, ij kajjitōk ippemi bwe kom̧in kamineneiki imminene eo n̄an “ļōmņak kōn Selestial”! …
Kōn menin, ro jeiū im jatū jitōnbōro, elmen im ia im ippān wōn eo kwoj kōņaan mour indeeo ippān? Kwoj aikuj in kāālet.
N̄e kwoj kōm̧m̧ani kāālet ko, ij kajjitōk ippem̧ bwe kwon ļōmņak kōn jekjek in—juon erreim̧aanļo̧k eo ejjeļo̧k jem̧ļo̧kin. Likūt Jisōs Kraist m̧okta, kōnke mour indeeo eo am̧ ej pedped wōt ioon tōmak eo am̧ ilo E. Ej barāinwōt pedped ioon pokake eo am̧ n̄an kien ko An. …
Ilo mije wōt n̄an ļōmņak kōn selestial, jeļā bwe kwonaaj ioon jum̧ae. …
Ilo am̧ ļōmņak kōn selestial, būruōm̧ enaaj lukkuun oktak. Enaaj emakijkijļo̧k am̧ jar im m̧ool. …
Ilo am̧ ļōmņak kōn selestial, kwonaaj loe am̧ kōjekdo̧o̧n jabdewōt me rej ko̧te eok jān anemkwoj eo am̧. …
Ļōmņak kōn selestial enaaj barāinwōt jipan̄ eok pokake kien erreo. …
Ilo am̧ ļōmņak kōn selestial, kwonaaj kalimjōk mālijjon̄ ko im jum̧ae ilo juon meram ekāāl. …
Ilo am̧ ļōmņak kōn selestial, tōmak eo am̧ enaaj eddōkļo̧k. …
Kōļļā juon m̧ōttan jon̄oul ej aikuji tōmak, im ej barāinwōt kalōk tōmak ilo Anij im Nejin Emake Wōt.
Kāālet n̄an mour juon mour ewānōk ilo juon laļ eobrak kōn mōm̧ an kanniōk, im iktōltōl kōn kareleel ko an kien ej kalōk tōmak.
Joļo̧k eļap iien ilo tampel ej kalōk tōmak.