Ilo Iaļ in Ijo Koņaer
Jidik in kōnono in
Ij kam̧m̧oolol kōn milien membōr ro an Kabun̄ in ro rainin rej itok n̄an Rilo̧mo̧o̧r im bun̄ m̧aanļo̧k ilo iaļ in bujen eo. … Tōmak eo ami ekajoor ilo Jemedwōj Ilan̄ im Irooj Jisōs Kraist im mour ko ami rewūjlepļo̧k, em̧m̧an rej im̧we eō bwe in erom̧ juon em̧m̧aan im rikaļoor em̧m̧an.
Ij iakwe kom̧. Ij kautiej kom̧. Ij kam̧m̧oolol kom̧. Im ņaij nōbare kom̧
Juon ennaan ilo Bok in Mormon eo jān Samuel Rileman eo ejejjet an kōmeļeļeiki en̄jake ko aō kōn kom̧.
“Lo bwe eļapļo̧k m̧ōttan eo aer rej lo iaļ in ijo koņaer … im rej kijejeto kōn tiljek ejjab kijeļo̧k bwe remaron̄ bōktok bwe in ro jeir im jatier n̄an jeļā kōn m̧ool” [Hilamōn 15:5–6; men ko raorōk kar kobaiktok]. …
Ami iakwe im jerbal, ron̄jake im ekkatak, kea im kaenōm̧m̧an, im katakin im kam̧ool kōn kajoor eo an Jetōb Kwojarjar. Ami jitlo̧k im emakijkij in jar, ej kajoorļo̧k im kajoorļo̧k ilo ettā bōro, im dimļo̧k im dimļo̧k ilo tōmak ilo Kraist, “n̄an obrak [ami] jetōb kōn m̧ōņōņō im ineem̧m̧an, aaet, em̧ool n̄an karreoik im kokwōjarjare [būruōmi], kokwōjarja eo ej itok kōnke aer … kōtļo̧k [būruweer] n̄an Anij” [Hilamōn 3:35].
… Kom̧ ro rainin rej em̧m̧akūt m̧aanļo̧k ilo iaļ in ijo koņami rej kajoor an Kabun̄ eo an Rilo̧mo̧o̧r im em̧ōj an jepļaaktok. Im āinwōt an kar Irooj kallim̧ur, “aolep tūroon ko im mo̧jen ko, tōln̄an ko im kajoor ko, naaj kwaļo̧ki im likūti ioon aolep ro rekar kijenmej ilo peran kōn gospel eo an Jisōs Kraist” [Katak im Bujen Ko 121:29].