Ewi Ļap In Am̧ Naaj Lan̄lōn̄
Jidik in kōnono in
Rainin ij kōnono n̄an elōn̄ ro rerūtto ilo Kabun̄ in ro remaron̄ jerbal āinwōt mijenede ro. Irooj ej aikuji kom̧. …
Ilo aō loļo̧k mijen kane wōj ipeļaakin laļin, em̧ōj aō lo kabwilōņlōņ in jerbal kein an mijenede rein rūtto im rōm̧m̧an. Ej alikkar aer em̧ōņōņō in “kōm̧anm̧an ankilaan Irooj” im pād kōn “jerbal eo an Irooj” [Katak im Bujen Kok 64:29]. …
Em̧ōj aō kūr elōn̄ rūtto ripālele ro n̄an etal im mijen im lale an Meram in Kraist kobrak paaktokier. Ālkin aer ro̧o̧l tok rej kōmeļeļeik wāween aer epaake ļo̧k Irooj im ro jet, en̄jake Jetōb eo an Irooj ej lutok leplep ioer, im jeļā ke rej kōm̧m̧ane juon oktak. Wōn eo eban kar kōņaan menin? …
Āinwōt juon Rijilōk an Irooj Jisos Kraist, ij kajjitōk ippāmi n̄an kōm̧m̧an jerbal in mijenede ilo aiintok Israel im bōlen naaj bar etal im mijen. …
Ij barāinwōt kallim̧ur bwe ilo am̧ jerbal, kwonaaj en̄jake iakwe eo an Irooj ilo mour eo am̧, kwonaaj jeļā E, E enaaj jeļā kwe, im “ewi jon̄an naaj lan̄lōn̄ eo am̧?” [Katak im Bujen Ko 18:15]. Ilo am̧ wūjlepļo̧k ilo jerbal n̄an Jisōs Kraist enaaj im̧we eok im kōjeram̧m̧an baam̧le eo am̧, ajri ro jibum, im ro jibun jibum. “Aenōm̧m̧an, im iakwe [naaj] wōrļo̧k” [Jud 1:2] ilo mour ko aer ilo iiō ko rej itok.