Jenaaj Kautej n̄an Em̧m̧an eo
Jidik in kōnono in
Ro jeiū im jatū rejitōnboro, naan in kam̧ool eo aō n̄an kom̧ ilo jibbon̄ in rainin ej kōn an ļap ad lukkuun jeraam̧m̧an in jelā aolep men ko jej jeļā kaki kōn wōt Josep Smith, rikanaan eo an epepen in āliktata ilo iien in.
Ewōr juon ad meļeļe kōn unleplep in mour, kōn wōn kōj.
Jej jeļā wōn in Anij; jej jeļā wōn eo Rilo̧mo̧o̧r, kōnke ewōr ippād Josep, eo eaar etal n̄an bukun wōjke ko āinwōt juon ļaddik, kapukōt jeo̧rļo̧k in jerawiwi ko an.
Ij lōmņak ej juon iaan men ko rekabwilōn̄lōn̄ im aiboojoj tata jabdewōt ioon laļin remaron̄ jeļā—bwe Jemedwōj Ilan̄ im Irooj Jisos Kraist raar kwaļo̧k er make ilo raan kein āliktata im bwe Josep eaar rūttoļo̧k n̄an an kōjeplaaktok tarlepen gospel eo an Jisos Kraist im ejjeļo̧k jemļo̧kin.
Ewōr ippād Bok in Mormon eo. Ej juon menin letok em̧m̧an tata im aiboojoj n̄an membōr ro an Kabun̄ in. Ej barāinwōt juon kam̧ool, bar juon kallim̧ur bwe Jisos ej RiKraist eo. Ej pād ippād kōnke Josep ekar wānōk in kar etal in bōk pileej ko, kar bōk im̧we jen lan̄ n̄an ukoti kōn menin letok im kajoor eo an Anij im n̄an kajedede bok in n̄an aolepen laļ in. …
… Jej pād ilo juon tōre n̄an kepooj kōj make, jen raan n̄an raan, bwe jen em̧m̧anļo̧k, bwe jen joujļo̧k, bwe en ļapļo̧k ad pojak m̧ae raan en, eo enaaj itok, eļan̄n̄e jenaaj bar jeplaakļo̧k im̧aan mejen Jemedwōj Ilan̄ im Irooj Jisōs Kraist.