Aiboojoj an Laļ ko
Jidik in kōnono in
Katak eo kar kwaļo̧k an Kabun̄ eo em̧ōj an jepļaaktok an Jisōs Kraist im Armej ro Rekwojarjar ilo Raan sKo Āliktata ej katakin bwe aolep ajri ro nejin Anij—ijello̧kin ro naaj jilkinļo̧k er ewōr oraer—naaj āliktata jolete juon iaan aiboojoj in laļ ko jilu, jekdo̧o̧n eo edik tata iaan ro rej “eļļāļo̧k jān aolep jeļā.”[Katak im Bujen Ko 76:89]. …
Bar juon katak im iminene ejej uwaan an Kabun̄ eo em̧ōj an jepļaaktok ej waļo̧k eo an kien ko im bujen ko me rej leļo̧k n̄an aolep ro nejin Anij jim̧we eo ekwojarjar an karbōb n̄an aiboojoj eo eutiej tata ilo laļ eo an selestial. Mejān kajjik jab in eutiej tata—mour ijo eutiej tata ilo laļ eo an selestial—ej jibadbad eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata. …
… Ilo aiboojoj an “selestial” ewōr jilu jon̄ak ko, eo eutiej tata ej mour ijo eutiej tata ilo laļ eo an selestial. …
Karōk eo an Anij, kar ejaak ioon m̧ool indeeo, ej aikuj bwe mour ijo eutiej tata en maron̄ bōke wōt kōn tiljek n̄an bujen ko an juon m̧are indeeo ikōtaan juon em̧m̧aan im juon kōrā ilo tampeļ eo ekwojarjar, eo m̧are eo enaaj ilo jem̧ļo̧kin pād n̄an aolep ro retiljek. …
Ekajet eo Āliktata ejjab baj juon etale in juon koba in aolep jerbal em̧m̧an im nana—ta eo jaar kōm̧m̧ane. Ej pedped ioon ajāliklik in jerbal ko im ļōmņak ko ad—ta eo jaar erom. Jej karbōb n̄an mour indeeo kōn juon jekjek an oktak. …
Kōnke kōn Jisōs Kraist im Pinmuur eo An, n̄e jej likjab ilo mour in, jemaron̄ ukweļo̧k im bar kobaļo̧k ilo iaļ in bujen eo me ej tōlļo̧k n̄an ta eo Jemedwōj Ilan̄ ej ikdeelele n̄an kōj.