Jisōs Kraist Ej Men eo Eaorōk
Jidik in kōnono in
Ilōn̄ in Aolep, jān Kelsy im Jesse Lightweave
Rikanaan eo ilo Bok in Mormon Jekab ekar kōnono kōn bōk ilo kōmjāje im jab kaorōk ta eo epakeļo̧k āinwōt “reilo̧k jān kakōļļe eo” [Jekab 4:14]. …
… Jej aikuj bar ņae iminene in bwe jen jab loe Jisōs Kraist ilo mour ko ad im likjab n̄an kile elōn̄ kōjeraam̧m̧an ko Ej litok n̄an kōj. Jej aikuj E. … Eļan̄n̄e ebōd ad ļōmņak bwe ewōr juon aikuj n̄an juon men eļapļo̧k jān ta eo E ej letok, jej kowaan ak kadikļo̧k ļap eo im kajoor eo E emaron̄ likūt ilo mour ko ad. … Jisōs Kraist ej men eo aorōk ad.
Rilo̧mo̧o̧r eo eaar letok n̄an kōj elōn̄ wāween ko n̄an mije E, ekoba iien eo em̧m̧an n̄an ukweļo̧k aolep raan. Jet iien jej kōjaorōk ewi ļap in menin letok in. …
… Kōjeraam̧m̧an ko kaorōki an kwojkwoj eo rej pād n̄an kōj kajjojo iien jej etal n̄an kweilo̧k in kwojkwoj eo. … Jetōb Kwojarjar ej kōjeraam̧m̧an kōj kōn An kajoor in kōkwojarjar bwe jen maron̄ bōk jeorļo̧k bōd jān jerawiwi ko ad, aolep wiik. …
N̄e Jetōb Kwojarjar ej pād ippād, jenaaj bōk im̧we im bōk tōl n̄an kōm̧m̧an im kōjparok bujen ko jet, āinwōt ko me kōm̧m̧ani ilo tampeļ ko. Kōm̧m̧ane menin ej kam̧wilaļļo̧k jem̧jerā eo ad ippān Anij. … Kijejeto eo ad n̄an pād ie ej aikuj bar kajoor n̄e tampeļ epaak im āinwōt an bar ettoļo̧k.
… N̄e jej lōke rikanaan eo an Anij ioon laļin rainin, im ettōr ilo kapilōk ko an, jenaaj lo m̧ōņōņō, im kōj barāinwōt jemaron̄ mour. Jejjab aikuj kappok wōt.