Kwon Rikaļoor ro an Kraist Reineem̧m̧an
Jidik in kōnono in
N̄an kōj ro ilo Kabun̄ in rej kajjieon̄ in erom rikaļoor ro an Kraist reineem̧m̧anjuon, juon raan em̧m̧anļo̧k ej kōttar kōj ilo ad kalimjōk wōt ad Irooj im Rilo̧mo̧o̧r, Jisōs Kraist. Mālijjon̄ ko rej m̧ōttan mour wabanban im rej waļo̧k ilo mour an aolep ilo aolepān laļ in. …
Emakijkij an ritōl ro an Kabun̄ in kajjitōk, “Etke juon Anij eo ejim̧we ej kōtļo̧k an men ko renana waļo̧k, eļap tata n̄an armej ro rem̧m̧an?” …
Jejjab jeļā aolep uwaak ko; ijowōt ke, jejeļā pedped in katak ko raorōk me rej kōm̧m̧an bwe jen jelm̧ae mālijjon̄ ko, inepata, im apan̄ ko kōn tōmak im lōke ilo juon jekļaj eo emeram me ej kōttar kōj kajjojo. …
Jej kile bwe enan̄in aoleped wōj kar ioon lan̄ ko an kanniōk im jetōb ilo mour ko ad, jet renanaļo̧k. Juon Jemed ilo Lan̄ eo ej iakwe im Nejin, Jisōs Kraist, eo ej jabōn Kabun̄ eo An kōjepļaaktok, kar letok n̄an kōj jeje ko rekwojarjar im rikanaan ro n̄an kōpooj kōj, kakkōl kōj kōn kauwōtata ko, im letok n̄an kōj tōl n̄an kōpooj im kōjparok kōj. Jet tōl ko rej aikuji kōm̧m̧an ilo iien eo em̧ōkaj tata, im jet rej letok kōjparok n̄an elōn̄ iiō ko ilo ilju jekļaj. ….
… Mour obrak kōn nebar, al, im kam̧m̧oolol ejej uwaan aer kōjeraam̧m̧an. Lan̄lōn̄ im pedped ioon jipan̄ in lan̄ kōn jar ej juon wāween ekajoor n̄an erom rikaļoor ro an Kraist reinem̧m̧an. Kajjieon̄ iien otemjej n̄an m̧ōņōņō ilo jipan̄ im joļo̧k kōļmenļo̧kjeņ ko renana. …
Āinwōt juon Rijilōk an Irooj Jisōs Kraist, ij kam̧ool bwe “rikaļoor ro an Kraist reineem̧m̧an” renaaj lo aenōm̧m̧an an juon make ilo mour in im juon bar koba in lan̄ aiboojoj.