Ro Jeiū im Jatū ilo Kraist
Bōk Jidikin Kenono eo
Gospel eo an Jisōs Kraist ej katakin bwe jej aolep ļaddik im leddik in jetōb ro rejitōnbōro nejin ro jined im jemed ilan̄ me rej m̧ool iakwe kōj im bwe jaar mour āinwōt juon baam̧le ilo im̧aan mejān Anij m̧okta jān ad kar ļotak ioon laļ in. Gospel eo barāinwōt ej katakin bwe kar kōm̧anm̧an ilo nememein im kōjellin eo an Anij. Kōn menin, jej juon wōt im̧aan E. …
Āinwōt rikaļoor ro an Kraist, kar kūr kōj n̄an kōļapļo̧k ad tōmak ilo, im iakwe n̄an, ro jeid- im jatid m̧aan im kōrā kōn jouj ilo kobaik būruōd ippān doon ilo bōro kuk im iakwe, jekdo̧o̧n ta oktak ko ad, kōn menin kōļapļo̧k maron̄ eo ad n̄an kōkōm̧anm̧anļo̧k kautiej n̄an utiej eo an aolep ļaddik ro im leddik nejin Anij. …
… Ejjeļo̧k jikin n̄an ļōmņak in kalijōkļo̧k ko ak jerbal ko ilo jukjukin pād an Rikwojarjar ro. …
Kōm̧m̧an bwe būruōd im ļōmņak ko ad ren jokkun wōt juon ippān jeļā eo im naan in kam̧ool eo bwe jej aolep juon wōt im̧aan Anij, bwe jej aolep lukkuun ibobo kōn ejja kōjatdikdik im jolet eo indeeo. Kōm̧m̧an bwe jen lem̧ōņōņō eļapļo̧k ilo nuki ilo jetōb eo me epād ikōtaad im aorōk eo an m̧wil ko rooktak jān doon im menin letok ko rellōn̄ ewōr ippād. …
Ij kam̧ool n̄an kom̧ bwe ilo ad wōnm̧aanļo̧k ilo iaļ in ilo tōre in mour eo ad ioon laļ in, juon raan ekāāl enaaj jino kōn juon meram ekāāl me enaaj kōmeramļo̧k mour ko ad im kōmejajaikļo̧k iien ko rem̧m̧an n̄an kaorōkļo̧k, im jeraam̧m̧anļo̧k kōn, oktak ko jān doon kar ejaki jān Anij ibwilijin ajri ro Nejin. Jenaaj ilo m̧ool erom kein jerbal ko ilo Pein n̄an kōkōm̧anm̧anļo̧k jeļā ņae im kautiej eo ibwilijin aolep ļaddik ro im leddik ro Nejin.