Kōnono Kōn Iakwe Ijin
Jidik in kōnono in
Rainin, jen kōnono kōn jilu iaan kajin ko an iakwe gospel in. …
Juon, kajin eo an gospel in kōn jouj im kautiej. …
Kōn jouj im kautiej, kwojkwoj eo ad im kweilo̧k ko jet rej mije Jisōs Kraist. …
… Jen aolep iien kōnono kōn jouj im kautiej kam̧m̧o̧o̧lol kōn jerbal im aibojooj an Anij im jinōkjeej, turiam̧o̧, im jouj an Jisōs Kraist im en̄taan in pinmuur eo An.
Kein karuo, kajin eo an gospel n̄an jipan̄ im kaarmejet. …
… Kūr ko n̄an jerbal n̄an Irooj im n̄an doon ilo Kabun̄ in An ej letok iien em̧m̧an n̄an kōļapļo̧k turiam̧o̧, kōkōt, im ettā. …
… Jej kajiririik ekkeijel im m̧anļo̧k ajimakeke ilo ad jerbal in karejar ilo buruōd ilo m̧oko m̧ōn doon im ro riturud. …
… M̧akutkut ko aer epoļōmen karōki ejipan̄ aolep en̄jake aer aorōk, koba, im ruwainene n̄an kōm̧m̧ane juon jerbal emenin aikuj. …
… Tōmak, jerbal in jipan̄, im kaarmejet rej kepaakļo̧k kōj n̄an ad Rilomo̧o̧r. …
Im menin eboktok kōj n̄an kajin gospel an ekkeijel ilo bujen. …
Jisōs Kraist ej letok juon iaļ em̧m̧anļo̧k—jemjerā ko pedped ioon bujen indeeo, rekajoorļo̧k jān to ko an mej. Ekkeijel ilo bujen ippān Anij im ippān doon emaron̄ kōmour im kōkwojarjar jemjerā ko ad raorōk. Ilo m̧ool, E em̧m̧anļo̧k an jelā kajied im iakwe kōj eļapļo̧k jān ad jeļā ak iakwe kōn make. Ilo m̧ool, n̄e jej bujen kōn aolepād, emaron̄ ļapļo̧k ad erom jān ad maron̄. Kajoor im māletlet an Anij emaron̄ kōjeraam̧m̧an kōj kōn aolep mennin letok rem̧m̧an, ilo iien im wāween eo An.