Eo E Jerwaan im Iaļ eo Ej Tōl Ļo̧k N̄an M̧weo
Jidik in kōnono in
Ro̧o̧lļo̧k eo an Nejin eo Ejerwaan, jān Richard Burde
Wōn ilubwiljid ejjan̄in kar ilok jen iaļ in kwojarjar, bwebwe an ļōmņake ke jej maron̄ pukōte eļapļo̧k m̧ōņōņō n̄e jej kōm̧m̧an kōņaan ko ad make?
Wōn ilubwiljid ejjan̄in kar en̄jake ettā bōro, bōro-erub, im kōņaan jeorļo̧k bōd im tiriamo?
Bōlen jet remaron̄ kar ļōmņak, “ej ke maron̄ bar jepļaak tok? Inaaj ke jon̄jon̄ n̄an indeeo, dike, im makokoki jen ro jera mokta. Em̧m̧an ke pād wōt im baj jebwābwe? Elemen en̄jaake eo an Anij elan̄n̄e Ij kajjieon̄ in bar jepļaak tok?”
Būrabōļ [eo] [an nejin eo ejerwaan] ej letok n̄an kōj uwaak eo.
Jemedwōj Ilan̄ enaaj ettōr n̄an kōj, Būruwōn elutōk ļo̧k kōn iakwe im tūriam̧o kake. …
Lan̄ enaaj lan̄lōn̄ ilo jepļaakļo̧k eo ad. …
Kāālet ko reppen remaron̄ in bōk lo̧k eok jān Rilo̧mo̧o̧r eo im Kabun̄ eo An, M̧aajta in Kemour eo ej jutak ilo iaļ eo ej tōl ļo̧k n̄an m̧weo, kauruwainene eok. Im kōm āinwōt membōr ro an Kabun̄ eo an Jisōs Kraist kōmij kappukōt n̄an ļoor waanjon̄ak ko An im bokwōj eok āinwōt am būratōr im jejtōr, āinwot jeram. Jej lan̄lōn̄ im kememe ippam̧. …
Ij jab ba bwe bar ro̧o̧l tok ej juon men epidodo n̄an kōm̧m̧ane. Ij maron̄ kam̧o̧o̧l kōn menin. Menin emaron̄, ilo m̧o̧o̧l, einwōt juon kālet eo epen tata kwonaaj kōm̧m̧ane.
Ak ij kam̧o̧o̧l bwe iien eo wōt kwoj kāālet n̄an bar jepļaak im etetal ilo iaļ in an ad Rilo̧mo̧o̧r im Ripinmuur, kajoor eo An enaaj deļo̧n̄e mour eo am̧ im ukote.