Juon M̧ōttan Jon̄oul: Ej Kōpeļļo̧k Wintō ko an Lan̄
Jidikin Kenono eo
Aolep men ko ewōr ippād im aolep men ko me ko rej itok jān Anij. Āinwōt rikaļoor ro an Kraist, jej m̧ōņōņō in kōjjebar ippān ro ipeļakiid.
Kōn aolep men ko Irooj ej litok n̄an kōj, E ekar kajjitōk ippād n̄an kōro̧o̧lļo̧k n̄an E im aelōn̄ in kiin̄ eo An ioon laļ in 10 bōkjāān in ļapļo̧k ko ad. E ekar kallim̧uri kōj bwe ilo an m̧ool ad kōļļāik m̧ōttan jon̄oul ko ad, E enaaj “kōpeļļo̧k … wūntō ilo ilan̄, im kowōtļo̧k … kōjeraam̧m̧an ko, me ejabwe jikin n̄an kakoņi n̄an būki” [Malakai 3:10]. E ekar kallim̧uri kōj bwe E enaaj kōjparok kōj jan nana. …
Wintōn ko an lan̄ rej peļļo̧k ilo elōn̄ wāween ko. Jet rej ilo kanniōk, bōtaab elōn̄ rej ilo jetōb. Jet rej mera im pidodo n̄an jejļo̧k jāni. Lōke ilo iien eo an Irooj; kōjeraam̧m̧an ko rej aolep iien itok. …
… Laļ in ej kōnono kōn juon m̧ōttan jon̄oul ilo elōn̄ kōnono ko an jāān ko ad, bōtaab kien eo ekwojarjar an juon m̧ōttan jon̄oul ej pedped eļap tata ej jekjek an tōmak eo ad. M̧ool ilo juon m̧ōttan jon̄oul ko ad ej juon wāween jej kwaļo̧k ad m̧ōņōņō n̄an door Irooj m̧okta ilo mour ko ad, ilōn̄ in kea ko im itok limo ko ad. Ij kallim̧uri kom̧ bwe ilo ami lōke ilo Irooj, kōjeraam̧m̧an ko an lan̄ rej itok. …
Men ko reļļap kar kobaiktok an Irooj kar kwaļo̧k kōn juon m̧ōttan jon̄oul ko ami rem̧m̧an kar kōkajoorļo̧k jikin kakoņkoņ ko an Kabun̄ in, leļo̧k iien ko rem̧m̧an n̄an kōm̧akūt m̧aanļo̧k jerbal eo an Irooj eļapļo̧k jān men otemjej jaar ioone. Aolep men jeļā kake jān Irooj, im ilo iien eo, jenaaj lo jibadbad eo An ekwojarjar kūrm̧ool.