Kajoor in Liāp
Jidik in kōnono in
Jej ļōmņak kōn kajoor in liāp eo bwe ej jerbal wōt n̄an jet kain̄i ko ilo tampeļ, ak bwe mālim jab in ej aorōk n̄an kōm̧m̧an jabdewōt kain̄i jejet im lukōji ālkin mej. …
Tokjen eo elap kōn kajoor in liāp ej leļo̧k priesthood n̄an kain̄i ko ekoba, aeet, kajjojo kain̄i ko kōm̧m̧ani n̄an ro remej ilo juon jikin eo kōjenoļo̧ke jen Irooj—tampeļ eo An. … Kajoor in liāp in eweeppān ekalikkar ekajet, tūriam̧o kake, im iakwe eo an Anij.
Ilo an wōr ipped kajoor in liāp in, būruwōd ej make oktakļo̧k n̄an ro remootļo̧k imaad. Aiintok doon eo ilo raan kein āliktata kōn bujen edōbļo̧ke rōn̄ōl eo. …
Men eo ilōn̄ tata im ekwojarjar tata ej alikkar ilo kajoor in liāp epād ilo ippān doon an em̧m̧aan im kōra ejjeļok jemļo̧kin ilo pālele ko aer im aer kobaik armej ippān doon ilo aolep epepen. …
Jemaron̄ lo unin “m̧are ikōtaan juōn em̧m̧aan im juōn kōrā ej kapit jān Anij im bwe baam̧le eo ej dilepen karōk eo an Rikōm̧anm̧an eo n̄an jipadpad eo n̄an mour indeeo an ajri ro Nejin.” [“Baam̧le Eo: Juon Naan In Kean̄ n̄an Laļ in,” Gospel Library]. Ejja ilo iien in wōt, jej kile ilo an jab jejjet jōkōk eo an, ejjab lukkuun m̧oolin ak bwilōn epen an jerbal n̄an jet. Bōtaab ewōr ad kōjatdikdik ilo Kraist. …
Ij kam̧ool bwe kajoor in liāp eo im mālim eo kar kōjepļaaktok n̄an laļ in kōn Josep Smith rej m̧ool, bwe ta men em̧ōj liāpe ioon laļ em̧ool ej liāp lan̄.