M̧ōttad Iien Otemjeļo̧k
Jidik in kōnono in
Eo Ej Make Wōt, jān Malory Fiso
Jej aikuji, im kwonaaj aikuji, m̧ōttā eo an Jetōb Kwojarjar iien otemjeļo̧k. Kiiō, ad kōņaan bōke, ak aaet jej jeļā jān en̄jake bwe ejjab pidodo n̄an kōtōprake. Kōj kajjojo jej kōļmenļo̧kjeņ im kōnono im kōm̧m̧ani men ko kajjojo raan in ad mour bwe en jab kainepataik Jetōb eo.
N̄e ej waļo̧k, ilo an naaj, jej maron̄ en̄jake bwe kar jab kōmālimi jān Irooj. Im jej maron̄ in idajon̄jon̄ n̄an en̄jake ad make iaad. …
N̄e kwōj loe an make pen am en̄jake Jetōb Kwojarjar, komaron̄ ļōmņak ewōr ke juon men eo im kwomaron̄ ukweļo̧k im bōk jeorļo̧k bōd. Kwoj maron̄ jar kōn tōmak n̄an jeļā ta eo n̄an kōmmane n̄an an erreo im āindein enej ļap ļo̧k an karbōb n̄an bōke jemjerā eo iien otemjeļo̧k an Jetōb Kwojarjar.
Eļan̄n̄e kwoj kōņaan bōk juon jemjerā iien otemjej an Jetōb Kwojarjar, kwoj aikuj in kōņaan menin n̄an wūn ko rejim̧we. Kōtōpar ko am̧ ej aikuj kōtōpar ko an Irooj. Eļan̄n̄e wūn ko am relukuun n̄an kwe wot, kwōnaj loe an pen n̄an bōke en̄jake ko an Jetōb eo.
Kii eo n̄an kwe im n̄a ej n̄an kōņaan ta eo Rilo̧mo̧o̧r ekōņaan. Wūn ko ad rej aikuj in tōl jen iakwe eo erreo an Kraist. …
… Jetōb Kwojarjar emōj jilkin tok e n̄an membōr ro retiljek ilo bujen an Kabun̄ eo an Jisōs Kraist. Kiiō, en̄eo am enaaj āinjuon, im Jetōb enaaj tōl ilo iaļ eo ejejjet n̄an tōmak eo im am im jon̄an n̄an bōki revelesōn n̄an kwe im ro kwoj iakwe im jerbal n̄an er. Ij jar kōn aolepān būruō bwe am̧ lōke enaaj eddōkļo̧k.