Etetal ilo Bujen Jemjerā ippān Kraist
Jidik in kōnono in
Irooj enaaj uwaake kajjojo iaad wōj ilo raan in liaajlo̧ļ eo ad eļan̄n̄e jej kāālet n̄an kapen ad mour Ippān. E ekar kallim̧ur n̄an etetal ippād ilo iaļ eo.
Jej ņa etan etetal in iaļen bujen eo—juon iaļ eo ej jino kōn bujen peptaij im ej etalļo̧k n̄an bujen ko rem̧wilaļļo̧k jej kōm̧m̧ani ilo tampeļ eo. … Juon bujen ejjab wōt juon koņ, ijoke ej aorōk. Ej kōn juon jemjerān . …
Mijen eo An ej kōn kōjatdikdik. Jisōs Kraist enaaj iion kōj ijo jej pād ie ilo jekjek eo ad kiiō. En̄in ej unin jikin kallib eo, debwāāl eo, im lōb eo. Rilo̧mo̧o̧r eo eaar itok n̄an jipan̄ kōj anjo̧. Ijoke pād ijo jej pād ie eban bōktok kōtļo̧k eo jej kapukōte. … Mijen eo An ej juon gospel in wanlōn̄ ļo̧k. E enaaj jerbal ilowaad n̄an ļōn̄aj kōj n̄an ijo E ej pād ie im, ilo jerbal eo, kwomaron̄ kōj n̄an erom āinwōt E. Jisōs Kraist ekar itok n̄an ļōn̄aj kōj. Ej kōņaan jipan̄ kōj erom. En̄in ej unin tampeļ eo. Jej aikuj keememej: ejjab iaļ eo make me enaaj kotak lōn̄ļo̧k kōj; ej m̧ōttā eo—ad Rilo̧mo̧o̧r. Im menin ej etke bujen jemjerā eo. …
… Ijjino ijo jej pād ie. Jab kōtļo̧k bwe jekjek ko an mour ren bōbrae eok. Keememej, m̧ōkaj in ak jikin eo ioon iaļ eo rejjab baj wōt aorōk āinwōt juon eddōkļo̧k. …
Kam̧m̧oolol, jej etetal ilo iaļ in ippān doon, kwaļo̧k naan in kōketak ilo iaļ eo ļo̧k. Ilo ad kwaļo̧k en̄jake ko ad make ippān Kraist, jenaaj make kajoorļo̧k.