Na Kaukauwa ni Veivauci
Veitikina lavetaki
Eda dau nanuma ni lewa ni veivauci e yaga ga kina so na cakacaka vakalotu ni valetabu, ia na lewa oya e gadrevi me rawa ni vakadeitaki kina na cakacaka vakalotu e vuravura ka vakakina e taudaku ni mate. …
Na dodonu ka solia na kaukauwa ni veivauci kina cakacaka vakalotu ni matabete e okati kina na cakacaka vakalotu veisosomitaki era vakayacori ena vanua ka vakarautaka tu na Turaga—na Nona valetabu. … Na kaukauwa ni veivauci oqo e ivakaraitaki uasivi ni lewa dodonu, veivosoti, kei na loloma ni Kalou.
Ena noda rawa ni vakayagataka na kaukauwa ni veivauci, na yaloda e gole sara ga ki vei ira era sa liu yani. Na vakasoqoni kina veiyalayalati ena veisiga e muri oqo e kosova na ilati. …
Na ivakaraitaki cecere ka tabu duadua ni kaukauwa ni veivauci, e kunei ena duavata tawamudu ni dua na tagane kei na yalewa ena vakawati kei na semati vata ni kawatamata ena nodra itabatamata kecega. …
Eda raica rawa na vuni “Nona lesia na Kalou na vakawati ni dua na tagane kei na dua na yalewa esa uto ni ituvatuva ni nodra icavacava tawamudu na luvena na Dauveibuli na matavuvale.” [“Na Matavuvale: Ai Vakaro ki Vuravura Raraba” Valenivola Vakosipeli]. Ena gauna vata oya, eda kila kina ena gauna sega ni taucoko oqo, ni oqo e sega nio koya na ka dina se me rawa ni rawati vei ira eso. Ia eda sa vakanuinui vei Karisito. …
Au vakadinadinataka ni kaukauwa ni veivauci kei na lewa ka sa vakalesuitale mai i vuravura mai vei Josefa Simici era dina, ni veika e vauci e vuravura era vauci vakaidina mai lomalagi.