E Tukuni Eke na Loloma
Veitikina lavetaki
Nikua, meda tukuna mada e tolu na vosa ni loloma vakosipeli. …
iMatai, na vosa vakosipeli ni yalololoma kei na vakarokoroko. …
Ena yalololoma kei na vakarokoroko, na noda soqoni ni sakaramede kei na soqoni tale eso e vakanamata vei Jisu Karisito. …
Meda dau cavuta ena yalololoma ka vakavinavinakataka ena vakarokoroko na cakacaka kei na lagilagi ni Kalou kei na cakadodonu, loloma cecere, kei na loloma soliwale i Jisu Karisito kei na Nona Veisorovaki.
iKarua, na vosa vakosipeli ni veiqaravi kei na solibula. …
Na veikacivi me da veiqaravi vua na Turaga kei keda vakai keda ena Nona Lotu, e solia vei keda na madigi me vakalevutaki na noda yalololoma, igu, kei na yalomalumalumu. …
… Eda susuga na veiwekani ka valuta na galili nida veiqaravi ena yaloda taucoko ena noda veivale. …
… Na itaviqaravi e tuvani vinaka ena vukei keda taucoko me da vakila ni da vakamareqeti, nida oka kina, ka sureti me da vakayacora e dua na itavi e gadrevi. …
… Na vakabauta, veiqaravi, kei na solibula e vukei keda meda vakanamata vakalevu cake vua na noda iVakabula. …
Oqori e kauti keda sara ki na vosa vakosipeli ni okati ena veiyalayalati. …
O Jisu Karisito e vakarautaka e dua na sala e vinaka cake—na veiwekani e yavutaki ena veiyalayalati vakalou, ka kaukauwa cake mai na ivesu ni mate. Na noda okati ena veiyalayalati kei na Kalou ka vakakina vakaikeda e rawa ni vakabula ka vakatabuya na noda veiwekani vakamareqeti. Na ka dina oqo, nio Koya e kilai keda vakavinaka cake ka lomani keda cake mai na noda kilai keda se lomani keda. Na ka dina oqo, nida veiyalayalatitaki keda vakataucoko, eda na rawa ni yaco me da uasivi sara. Na kaukauwa kei na vuku ni Kalou e rawa ni vakalougatataki keda ena vei isolisoli vinaka taucoko, ena Nona gauna kei na Nona sala ga.