Raica na Matavuvale ni Kalou ena Iloilo Rabailevu
Veitikina lavetaki
E rawa beka nida tekivu me da rai me vaka na rai ni Kalou ena gauna mada ga eda bula tiko kina ena dela ni vuravura oqo—me vakilai na yalo ni rai vakararaba oqo? Au vakabauta ni rawa, ena mata ni vakabauta, meda vakarabailevutaka yani ka raici keda kei na noda matavuvale ena inuinui kei na reki. …
… Ena vukui Karisito, ena yaco me vinaka na veika kece. Na veika kece o iko kei iko kei iko o lomaleqataka tu—ena VINAKA kece! O ira era rai ena mata ni vakabauta era na vakila ni na VINAKA nikua. …
Ena so na gauna na ka eda gadreva sa ikoya na veikauwaitaki ka sega soti sara na veivakasalataki; vakarorogo vakalevu cake ka kakua ni veivakavulici. …
Me da raica vakarabailevu yani na veimaliwai vakamatavuvale me vaka e dua na idewadewa ni kaukauwa levu me vakavulica vei keda na lesoni eda lako mai kina ike meda mai vulica nida vuki vua na iVakabula.
Eda vakadinata, ni ena dua na vuravura esa lutu e sega ni rawa nida taucoko tu vaka tamata vakawati, vaka itubutubu, vaka luve tagane se yalewa, vaka maku, vaka daunivakasala, se vaka itokani—ia e tu e milioni na sala meda tamata vinaka cake kina. …
Ena iotioti ni taba gauna oqo, na noda cakacaka cecere duadua ena vakayacori vei ira na noda daulomani—na tamata vinaka era bula tiko ena vuravura cakacala. Na noda vakanuinui ena veisautaka na ivakarau ni nodra raici ira kei na kedra ituvaki dina. Ka ena iloilo ni loloma oqo, era na raica kina se o cei era na yaco me ra vakataka. …
Ka baleta ni da sa luve ni veiyalayalati, sa rawa meda kerea na yalo ni vakanuinui oqo ena gauna sara ga oqo! …
Na loloma sa ikoya na ka e veisautaka na yalo. Sa ikoya na inaki savasava duadua ni ka kecega, ka rawa nira vakila na tani. … Ka dina sara, nira na qaqa o ira era dau loloma vakalevu ka vakabalavu duadua! …
O iko kei au? E daru rawa ni vakayacora na ka oqo! Eda rawa ni tautauri matua ka vakanuinui tiko!