Veitacini Tagane kei na Yalewa vei Karisito
Tikina lavetaki
Na kosipeli i Jisu Karisito e vakatavulica nida sa luvena tagane kei na yalewa vakayalo na itubutubu vakalomalagi ka rau lomani keda vakaidina ka eda a bula vata mai vakamatavuvale ena iserau ni Kalou ni bera nida mai sucu ena vuravura oqo. E vakavulica talega na kosipeli ni da a buli taucoko me da ucuya ka itovo vata kei na Kalou. O koya gona, eda sa tautauvata kina e Matana. …
Nida tisaipeli i Karisito, eda sa sureti me da vakatubura na noda vakabauta, ka lomani ira na tacida vakayalo tagane kei na yalewa ena noda semata dina na yaloda ena duavata kei na veilomani, se mani vakacava na noda duidui, ka rawa kina meda vakalevuya ka gutaka cake na nodra dokai o ira taucoko na luvena tagane kei na yalewa na Kalou. …
… E sega ni dua na nona tikina na vakasama se ivakarau ni veivakaduiduitaki ena nodra itikotiko na Yalododonu. …
Me da qai semata vata na yaloda kei na noda vakasama ena ivakadinadina ni da sa tautauvata taucoko e mata ni Kalou, ka sa soli vakatautauvata vei keda na igu kei na ivotavota tawamudu. Meda qai rekitaka vakalevu na veiwekani vakayalo eda sa tiko kina ka doka na duidui itovo kei na veimataqali isolisoli sa tu vei keda taucoko. …
Au vakadinadinataka vei kemuni ni noda tomana tiko me da drodro mai ena sala oqo ena noda bula tiko oqo, ena cadra mai e dua na siga vou ena rarama vou ka na vakararamataka na noda bula ka caudreva na veigauna totoka me da doka vakalevu, ka vakalougatataki vakataucoko sara, ena veika duidui esa bulia na Kalou ena kedra maliwa na Luvena. Eda na yaco dina meda iyaya ni cakacaka ena Ligana me tokoni cake kina na veidokai kei na dodonu ena kedra maliwa na Luvena tagane kei na yalewa.