Jisu Karisito Na iYau Talei
Veitikina lavetaki
Above All [Uasivi Duadua], mai vei Kelsy kei Jesse Lightweave
Na parofita ni iVola i Momani o Jekope e vakatoka na vakawaleni se beci ni ka e voleka me “raibaleta na maka” [Jekope 4:14]. …
… Ena gadrevi meda taqomaki keda mai na ivakarau oqo de eda na qai calati Jisu Karisito ena noda bula ka da na sega ni kila na veivakalougatataki e vuqa sa vakarautaka tu o Koya vei keda. Eda gadrevi Koya. … Kevaka eda nanuma cala ni gadrevi e dua tale na ka mai na veika esa vakarautaka tu o Koya, eda sa cakitaka se eda sa vakalailaitaka na levu kei na kaukauwa ka rawa ni solia o Koya vei keda. … O Jisu Karisito e noda iyautalei.
Na iVakabula esa solia vei keda e vuqa na sala meda vakanamata vakaidina kina vei Koya, ka oka kina na madigi ni veivutuni e veisiga. Ena so na gauna, eda dau vakawaletaka na veivakalougatataki cecere soliwale oqo. …
… Sa vakarautaki tu vei keda na veivakalougatataki talei ni sakaramede ena veigauna yadua eda tiko kina ena soqoni ni sakaramede. … Na Yalo Tabu ena vakalougatataki keda ena Nona kaukauwa ni veivakasavasavataki me rawa kina vei keda me da rawata tiko ga na bokoci ni noda ivalavala ca e veigauna kece. …
Ni tiko kei keda na Yalo Tabu, eda na uqeti ka dusimaki meda cakava ka maroroya na veiyalayalati tale eso, me vakataka na kena eda vakayacora ena loma ni valetabu. Na kena vakayacori vakakina ena vakatitobutaka na noda veiwekani kei na Kalou. … Na kaukauwa ni noda yalayala meda tiko kina e dodonu me tautauvata ga ni tiko voleka na valetabu se tiko vakayawa.
… Nida vakabauta na parofita ni Kalou e vuravura nikua, ka muria na nona ivakasala, eda na kune marau, ka rawa tale ga ni da vakabulai. E sega ni gadrevi meda rai tale kina dua na vanua.