Ena Vakacava na Levu ni Nomu Marau
Veitikina lavetaki
Nikua au na vosa tiko vei ira na lewe vuqa na qase matua ni Lotu ka rawa ni ra veiqaravi vakadaukaulotu. Na Turaga e gadrevi iko. …
Niu sikova na veitabana ni kaulotu e veiyasai vuravura, au dau raica na veiqaravi totoka nodra e vuqa na noda daukaulotu qase cake. E matata ni ra marautaka mera vakayacora tiko na “nona inaki na Turaga” ka kitaka na “nona cakacaka na Turaga.” [Vunau kei na Veiyalayalati 64:29]. …
Au sa kacivi ira oti e vuqa na veiwatini mera kaulotu ka raica ni sa vakasinaita na kedra irairai ena Rarama kei Karisito. Ena nodra lesu mai era vakamacalataka ni ra sa toro voleka vua na Turaga ka vaka kina vei ira vakai ira, era vakila na Yalo ni Turaga ni sovaraki vei ira, kei na kila ni ra sa vakayaco veisau tiko. O cei ena sega ni vinakata oya? …
Me vaka niu iApositolo ni Turaga o Jisu Karisito, au kerea vei kemuni moni veiqaravi vakadaukaulotu ena kena sokomuni mai ko Isireli ka kevaka e rawa moni veiqaravi tale. …
Au yalataka talega ni ena nomu veiqaravi, ona vakila na loloma ni Turaga ena nomu bula, ona kilai Koya, ena kilai iko o Koya, ka “na vuabale sara na nomu marau.”[Vunau kei na Veiyalayalati 18:15]. Na nomu veiqaravi vakaidina vei Jisu Karisito ena vakauqeta ka vakalougatataki ira na nomu matavuvale, na makubumu, kei na makubumu vakarua. “[Ena] vakalevutaki na yalololoma, kei na vakacegu” [Juta 1:2] ena nodra bula ni veiyabaki sa tu mai.