Mo Daumuria na Karisito ena Vakarokoroko
Veitikina lavetaki
Ki vei keda ena Lotu eda saga tiko meda daumuria na Karisito ena vakarokoroko, e dua na siga serau esa waraki keda tu nida raimatua vua na noda Turaga ka iVakabula, o Jisu Karisito. Na veivakatovolei sa tiki ni bula oqo ka yaco kina bula yadua ni tamata e vuravura taucoko. …
Era dau tarogi wasoma na iliuliu ni Lotu, “Na cava na vuna e vakatara kina e dua na Kalou dodonu me yaco na veika ca, vakauasivi vei ira na tamata vinaka?” …
Eda sega ni kila na isau ni taro kece; ia, eda kila na ivakavuvuli bibi ka rawa me da sotava kina na veivakatovolei, veika rarawa, kei na veika dredre ena vakabauta kei na yalodei kina veimataka rarama sa waraki keda yadua tu. …
Eda kila ni voleka nio keda taucoko eda sa sotava oti na cagilaba vakayago ka vakayalo ni noda bula, ka so e veivakarusai. Na Tamada mai Lomalagi dauloloma kei na Luvena, o Jisu Karisito, o koya e liutaka tiko na Nona Lotu vakalesuimai, sa vakarautaka vei keda na ivolanikalou kei na parofita me vakarautaki keda, vakaroti keda mai na veika rerevaki, ka solia vei keda na veidusimaki meda vakavakarau ka taqomaki keda. Eso na veidusimaki e gadreva vakatotolo na cakacaka, ka so e vakarautaka na veitaqomaki kina vuqa na yabaki sa bera mai. …
… Na bula ka sinai ena vakacaucau, ivakatagi, kei na vakavinavinaka ena nodra na veivakalougatataki e matalia. Na reki kei na vakararavi kina veivuke vakalomalagi ena masumasu sa sala kaukauwa meda daumuria kina na Karisito ena vakarokoroko. Na noda dau saga tikoga meda marau ena vukea na noda sega ni vakayalolailaitaki. …
Niu sa iApositolo ni Turaga o Jisu Karisito, au vakadinadinataka nida “daumuria na Karisito ena vakarokoroko” eda na kunea na vakacegu ni tamata yadua ena bula oqo kei na duavata vakalomalagi lagilagi.