Na Gone Cidroi kei na Sala E Mua iVale
Veitikina lavetaki
The Return of the Prodigal Son [Na Lesu Mai ni Gone Cidroi], mai vei Richard Burde
O cei vei keda esa sega ni gole tani mai na salatu ni bula savasava, ka nanuma vaka yalowai ni rawa nida kunea vakalevu na marau ni da goleva ga na noda sala ni nanumi keda vakai keda?
O cei vei keda esa sega ni bau vakila na vakamalumalumutaki, yalokavoro, ka gadreva vakatotolo na veivosoti kei na loloma cecere?
Rairai eda na vakataroga, “Sa rawa beka li na lesutale? Au na vakatokai beka meu, cati, ka levei tawamudu mai vei ira na noqu itokani e liu? E vinaka beka me‘u yali tu ga? Na cava beka ena cakava na Kalou kevaka au tovolea me‘u lesutale mai?”
[Na] vosa vakatautauvata [ni gone cidroi] e solia vei keda na kena isau.
Na Tamada Vakalomalagi ena cici mai vei keda, ka vuabale na Yalona ena loloma kei na yalololoma. …
Ena marau ko Lomalagi ena noda lesu mai. …
Dina ga ni digidigi eso ena kauti iko vakayawa mai vua na iVakabula kei na Nona Lotu, na Dauniveivakabulai levu e tu ena salatu ka mua ki vale, ka kidavaki iko tiko. Oi kemaimi na lewe ni Lotu i Jisu Karisito ni Yalododonu Edaidai e keimami saga tiko me keimami muria na Nona ivakaraitaki me keimami na mokoti kemuni me vaka nio ni taci keimami ka ganei keimami, ka neimami itokani. Keimami reki ka marau vata kei iko. …
Au sega ni vakalecalecava ni rawarawa ni caka na lesu mai. Au rawa ni vakadinata oya. Sa rawa, vakaidina, ni dua na vakatulewa bibi duadua mona vakayacora.
Ia au vakadinadinataka ni gauna o vakatulewataka kina mo lesu ka lakova tale na salatu ni noda iVakabula ka Dauveivueti, na Nona kaukauwa ena curuma na nomu bula ka veisautaka.