Dokai Koya
Veitikina lavetaki
Kemuni na taciqu kei na ganequ, na noqu ivakadinadina vei kemuni ena mataka nikua sa ikoya na noda sa vakalougatataki vakalevu nida sa mai kila na veika taucoko eda sa kila ena vukui Josefa Simici, na parofita ni ivakataiotioti ni gauna oqo.
E da kila kina ni tiko na inaki ni noda bula, ka o cei o keda.
Eda kila kina se o cei na Kalou, eda kila kina se o cei na iVakabula, ena vukui Josefa, o koya ka a gole ki na veivunikau ni se cauravou, ni vakasaqara me vosoti na nona ivalavala ca.
Au nanuma ni oya e dua na gauna lagilagi ka talei duadua vua e dua ena vuravura qo me kila rawa—ni Tamada Vakalomalagi kei na Turaga o Jisu Karisito e Rau a vakatakilai Rau mai ena ivakataotioti ni gauna oqo ka a susugi cake o Josefa me vakalesui mai vua na taucoko ni kosipeli tawamudu i Jisu Karisito.
Sa tiko vei keda na iVola i Momani. Sa ka veivakurabuitaki ka talei na isolisoli ni iVola i Momani vei keda na lewe ni Lotu. E sa dua tale na ivakadinadina, dua tale na ivakadei ni o Jisu e Karisito. E sa tiko vei keda baleta ni o Josefa a bula kilikili me lai kauta mai na peleti, a vakauqeti mai lomalagi me vakadewataka ena isolisoli kei na kaukauwa ni Kalou me solia na ivola ki vuravura. …
… Eda sa tovolea tiko me da vakavakarautaki keda, ena veisiga, me da vinaka cake, me da dau loloma cake, meda vakavakarau kina siga oya, ka na yaco dina mai, nida na lesu tale vua na Tamada Vakalomalagi kei na Turaga ko Jisu Karisito.