Na iKatini: Dolava na Katuba ni Lomalagi
Veitikina lavetaki
Na veika taucoko e tu vei keda kei na veika taucoko eda sa yacova sa mai vua na Kalou. Me vaka nida sa tisaipeli i Karisito, eda sa lomasoli meda wasea vei ira era tu wavoliti keda.
Ena veika taucoko sa solia vei keda na Turaga, sa kerei keda o Koya me da solia lesu Vua kei na Nona matanitu e vuravura e 10 na pasede ni noda tubu. Sa yalataka vei keda o Koya ni da yalodina tiko ena noda ikatini, ena “dolava … o koya na katuba ni lomalagi, ka sovaraka … na ka ni veivakalougatataki, me na sautu dina sara.”[Malakai 3:10]. Sa yalataka vei keda o Koya ni na taqomaki keda mai na ca. …
E dau dolavi na katuba ni lomalagi ena vuqa na sala. Eso era vakayago, ia e levu era vakayalo. Eso era matailalai ka rawarawa na kena vakawaleni. Vakararavi kina gauna ni Turaga; na veivakalougatataki ena dau yaco ga mai. …
… O vuravura e raica na ikatini me vakaibalebaletaki vakailavo, ia na lawa tabu ni ikatini e bibi sara kina noda vakabauta. Na noda dau dina ena noda ikatini esa dua na sala eda vakaraitaka kina na noda lomasoli me da vakaliuca na Turaga ena noda bula, ka toka e cake mai na noda kauwai vakai keda kei na veika eda dau taleitaka. Au yalataka vei kemuni ni o vakabauta na Turaga, ena muria mai na veivakalougataki mai lomalagi. …
Na ikuri ni sautu ni Turaga ka vakadewataki mai na nomu ikatini sa vakaqaqacotaka na iyau maroroi ni Lotu, ka vakarautaka na madigi me tosoi cake kina na cakacaka ni Turaga ka sivia yani na veika eda se bera ni bau sotava. Sa kila tu na Turaga na veika kecega, ia ena kena gauna, eda na raica ni na vakayacori kece na Nona inaki tabu.