“Fesootai,” Mo Le Malosi o le Autalavou, Tes. 2023.
Fesootai
Josué T.
17, Abidjan, Ivory Coast
Ata na pueina e Christina Smith
Pe a matou o ma faifeautalai, ou te taumafai e fesoasoani i tagata i mea e sili ona faigata mo i latou. I le mea ou te nofo ai, e le fiafia i taimi uma tagata e talanoa atu i faifeautalai. O nisi tagata latou te le faatagaina lava oe e aoao i latou. O nisi taimi e ulagia ai a’u e a’u uo ona ou te ta’u atu ia i latou e uiga i le Ekalesia ma Iesu Keriso. Ae e le faalotovaivaia ai a’u e lena mea. Ou te faaauau pea lava. E fesoasoani ou te tuputupu a’e ai. Ia te a’u, o le auai i le galuega a le Alii o se avanoa sili lea e lagona ai le latalata atu ia te Ia.
Ina ua ou papatiso, sa matuai lagolagoina lava a’u e faifeautalai. I lo’u papatisoga, sa ou matua fiafia lava. Sa ou lagonaina e pei ua ou tuua lo’u olaga tuai ma amataina se olaga fou. Sa fesoasoani lo’u papatisoga ia te a’u e auai i le Ekalesia a Iesu Keriso ma saunia ai e maua isi sauniga.
O loo o’u faia le mea sili ou te mafaia e faitau ai tusitusiga paia aua latou te aumaia moni lava a’u ia latalata atili i le Atua. E fesoasoani tusitusiga paia ou te lagona ai le toafilemu, ma a ou toafimalie, o le a mafai ona ou lagona le Agaga i se tulaga e sili atu.