O Le Au Faigaluega i le Tovine

I se tasi taeao po, sa faafaigaluega ai e se tamaloa tagata faigaluega e fesoasoani ia te ia i lona tovine. Fai mai o ia o le a ia totogia i latou taitoatasi i se sene.

O isi taimi e fa i lena aso, ua faafaigaluega ai e le tamaloa isi tagata faigaluega ma folafola atu e totogi i latou i le totogi sa’o.

I le faaiuga o le aso, na ia tuuina atu i tagata faigaluega taitasi le aofaiga lava e tasi o le tupe, e ui o nisi sa galulue umi atu nai lo isi.

O le au faigaluega sa galulue i le aso atoa ua faitio faapea o le tamaloa ua ia faia se faiga le tonu.

Ae ua ia faamanatu atu ia i latou ua latou mauaina mea na latou malilie i ai i le amataga o le aso ma o le agalelei o le Alii na faamanuiaina ai tagata faigaluega uma.

O Le a se Mea e Mafai ona Tatou Aoaoina? 

E pei lava ona alofa mutimutivale le tagata i ana tagata faigaluega uma, e alofa mutimutivale foi le Atua ia i tatou. E finagalo o Ia ia tatou omai uma ma faatasi ma Ia i Lona malo. E le o tuai lava ona ulu atu pe toe foi atu i le ala o feagaiga ma taumafai ia avea e faapei o le Faaola. Ona mafai lea ona Ia faamanuiaina i tatou. E le tatau ona tatou lotoleaga pe a filifili le Atua e faamanuia foi isi. Nai lo lena, e mafai ona tatou fiafia mo i latou ma fiafia i mea ua tuuina mai e le Atua ia i tatou. Ma o le taimi tatou te faaaluina e galulue ai i le tovine o le Atua o se faamanuiaga foi!