“Faitauga o Aso a’o agai atu i le Soifua Mai o le Faaola i le Kerisimasi,” Mo Le Malosi o le Autalavou, Tes. 2023.
Faitauga o Aso a’o Agai Atui le Soifua Mai o le Faaola i le Kerisimasi
’Oti’oti la oe lava tala o le soifua mai o Iesu!
Mo aso mulimuli e 10 a’o agai atu i le Kerisimasi, oti ese se fasi vaega e tasi o le tala i aso taitasi. Aoao atili e uiga i le ulua’i Kerisimasi e ala i le faitauina o faamatalaga ma tusitusiga paia i le pito i tua. E oo atu i le Aso Kerisimasi, o le a e maua le seti atoa.
E mafai foi ona e mafaufau e faasoa atu le soifua mai o Iesu i se uo, tuuina atu ia i latou i ni fasipepa pe tuufaatasi uma.
16 Tesema: Maria
Luka 1:26–38; Alema 7:10: Na ta’u atu e le agelu o Kaperielu ia Maria, o se taupou, o le a avea o ia ma tina o le Faaola. Sa ia faalagolago i le Alii ma taliaina Lona finagalo.
17 Tesema: Iosefa
Mataio 1:18–25; 2:13–15: O Iosefa o se “tagata amiotonu” o lē sa puipuia ma tausia Maria ma Iesu.
18 Tesema: Faatanoa vao
Luka 2:1–7: O se moega vaovao o se pusa e teuina ai meaai mo meaola. I le po o le soifua mai o Iesu, sa “faataatia [[e Maria] [le Faaola] i se faatanoa vao; aua sa leai se avanoa mo i latou i le faletalimalo.”
19 Tesema: Meaola
Ona sa faataatia le Faaola i se faatanoa vao, atonu sa i ai ni meaola e pei o asini, taifau, mamoe, kamela, ma povi sa lata ane.
20 Tesema: Agelu
Luka 2:8–14: Sa tautino atu e se agelu le tala i le soifua mai o le Faaola i leoleo mamoe o leoleoina a latou lafu.
21 Tesema: Leoleo Mamoe
Luka 2:15–20: Ina ua uma ona maua le tala o le soifua mai o le Faaola, sa “o mai vave” leoleo mamoe e vaai i le Faaola ona faasoa atu lea o le tala fiafia i isi.
22 Tesema: Fetu
3 Nifae 1:13–21: O le po o le soifua mai o Keriso, na alia’e ai se fetu fou i le lagi.
23 Tesema: Au Makoi
Mataio 2:1–8: E ui e masani ona tatou mafaufau i ni makoi e “toatolu”, ae tatou te le iloa moni pe toafia ni tagata sa i ai. Sa latou mulimuli i le fetu fou agai i Iutaia ma fesili atu ia Herota po o fea o le a i ai le Faaola.
24 Tesema: Au Makoi
Mataio 2:9–11: Sa faaauau pea ona mulimuli le Au Makoi i le fetu seia oo ina latou feiloai ma le Faaola, ae latou te lei taunuu i le po na soifua mai ai o Ia. O Iesu sa o se “tamaitiiti laitiiti” ina ua latou taunuu ma meaalofa o le auro, pulu lipano, ma le pulu muro.
25 Tesema: Pepe o Iesu
Isaia 9:6: O le mafuaaga moni tatou te faamanatuina ai le Kerisimasi o le Faaola, o Iesu Keriso. Tatou te faamanatuina Lona soifua mai, e ui tatou te manatuaina foi sa puapuagatia o Ia ma maliu ina ia mafai ona toe ola uma i tatou taitoatasi.