“O Auala e 6 e Lagona ai le Filemu o le Malamalama o Keriso i Lenei Kerisimasi,” Mo :e Malosi o le Autalavou, Tes. 2023
O Auala e 6 e Lagona ai le Filemu o le Malamalama o Keriso i Lenei Kerisimasi
Faasusulu atu se moliuila mo ni manatu.
Ata na tusia e Jarom Vogel
O le vaitaimi o le Kerisimasi e mafai ona pisi teisi ma tupu ai le atuatuvale. Pe ua faatumulia lau vaitau o le Kerisimasi i se tasi o nei mea?
“Tele … naua … meaaoga!”
“E toe fia nisi meaai mamā o loo tatou faia?”
“Pe ua oo ea i lo’u taimi?”
“Ia, ua matuai ou palapala lava …”
“Ou te manatu na valaaulia tagata uma i le pati o le Kerisimasi sei vagana ai a’u”
“Faamalie atu, e le mafai ona ou fesoasoani, Tina. Ua tatau na ou alu i aogamea!”
O nisi taimi o na atuatuvalega uma e faigata ai ona manatua pe aisea tatou te faamanatuina moni ai le Kerisimasi. Faasusulu atu se malamalama i tua atu o le itulau e faaali mai ai ni auala se ono e taulai atu ai i le malamalama o le Faaola ma maua atili ai le filemu i lenei Kerisimasi.
Mo se suiga malie, filifili se numera ma tuuto atu i le faia o le gaoioiga i le asō, e tusa lava pe e te lei iloa po o le a.
-
Faaalu le 5 minute i le asō e filemu ai ma manatua le Faaola (tagai i le Salamo 46:10).
-
Auina atu se tesi agalelei i ni au uo se toatolu.
-
Aoao e fai atu leai i lea taimi ma lea taimi taimi (atonu e le fai atu i lou tina) e aloese ai mai le soona tuuto atu o oe lava. Filifili se atuatuvalega se tasi e le manaomia e lafoai i le asō.
-
Usu pe faalogologo i se pese Kerisimasi e uiga ia Iesu Keriso.
-
Alu i le isi 12 itula e aunoa ma le faaaogaina o le initoneti po o ala o faasalalauga faaagafesootai. amata i le taimi nei!
-
Fai se faatinoga lima-minute o se auaunaga mo se tagata o le aiga i aso taitasi mo le isi tolu aso e sosoo ai.
Valivaliga Vevesi o le Kerisimasi
O le auala faaopoopo lenei e te lagona ai le filemu i lenei vaitau o le Kerisimasi. Valivali le itulau lenei! Talitonu i ai pe leai, o le valivali e ono fesoasoani ia te oe e aveese ai nisi o atuatuvale. Mafaufau i le Faaola a o e faia, ma e mafai ona fesoasoani atili lena mea.