“O Le A Tutu E Ua Maliliu i luma o le Atua,” Mo Le Malosi o le Autalavou, Tes. 2023.
LeaFuaitau i luga o Lea Fuaitau
O Le A Tutu E Ua Maliliu i luma o le Atua
I lana faaaliga, na vaai ai Ioane i le Faamasinoga Mulimuli.
E Toe Afio Mai o Ia e Pule ma Nofotupu, Saunia e Mary Sauer
o e ua oti, o e faatauvaa ma e silisili, e tutu i luma o le Atua
O le mana o le Toetu o Iesu Keriso e aumaia ai tagata uma i le afioaga o le Atua ina ia faamasinoina (tagai Alema 11:42–44; 33:22; 40:21; Helamana 14:15–17; Mamona 9:13–14).
ma sa fofola tusi
O nei tusi ua faatusa i faamaumauga sa tausia i le lalolagi i mea na faia e tagata i le lalolagi e mulimuli ai i le ala o feagaiga (tagai Mataupu Faavae ma Feagaiga 128:7).
o le tusi o le ola
“I se tasi itu, o le Tusi o le Ola o le tuufaatasiga lea o mafaufauga ma amioga a se tagata—o le talafaamaumau o lona olaga. Peitai, o loo ta’u mai foi i tusitusiga paia o loo tausia se talafaamaumau faalelagi mai e faamaoni, e aofia ai o latou igoa ma tala o a latou galuega amiotonu” (Taiala i Tusitusiga Paia, “Tusi o le Ola,” scriptures.ChurchofJesusChrist.org).
faamasinoina
O le Faamasinoga Mulimuli e oo mai pe a mavae le toetutu o tagata. O Iesu Keriso o le a avea ma Faamasino o tagata taitoatasi. O lenei faamasinoga o le a filimaoti ai le mamalu e faavavau o le a maua e tagata taitoatasi. (Tagai Taiala i Tusitusiga Paia, “Faamasinoga, o le Mulimuli,” scriptures.ChurchofJesusChrist.org; Alema 41:3–5; Mataupu Faavae ma Feagaiga 88:26–32.)
e tusa ma a latou galuega
O le a faamasinoina tagata taitoatasi i mea sa latou faia ma mea sa latou mananao i ai (tagai Mataupu Faavae ma Feagaiga 137:9). O le a faamasinoina i latou pe na latou usiusitai i poloaiga a le Atua ma galulue ia ogatusa ma soo se malamalama ma le upumoni na latou mauaina i lenei olaga.