Josué T.

17, ʻApitisiani, ʻAivolī Kousi

ʻI he taimi ʻoku ou ʻalu ai mo e ongo faifekaú, ʻoku ou feinga ke tokoni ki he kakaí ʻi he ngaahi meʻa ʻoku faingataʻa taha kiate kinautolú. ʻI he feituʻu ʻoku ou nofo aí, ʻoku ʻikai faʻa vēkeveke maʻu pē ʻa e kakaí ke talanoa mo e kau faifekaú. ʻOku ʻi ai ʻa e kakai ʻe niʻihi ia ʻoku ʻikai ke nau teitei loto ke akoʻi kinautolu. ʻOku faʻa fakakata ʻaki au ʻe hoku ngaahi kaungāmeʻá ʻi he taimi ʻe niʻihi koeʻuhí he ʻoku ou talanoaʻi ange kiate kinautolu ʻa e Siasí mo Sīsū Kalaisi. Ka ʻoku ʻikai ke u loto-siʻi ai au. ʻOku hokohoko atu pē ʻeku fakatalanoá. ʻOkú ne tokoniʻi au ke u tupulaki. Te u pehē, ko e kau ʻi he ngāue ʻa e ʻEikí ko ha faingamālie maʻongoʻonga ia ke ongoʻi ofi ai kiate Ia.

ʻI he taimi naʻá ku papitaiso aí, naʻe tokoniʻi moʻoni au ʻe he ongo faifekaú. Naʻá ku fiefia ʻaupito ʻi heʻeku papitaisó. Naʻá ku ongoʻi ʻo hangē kuó u siʻaki ʻeku moʻui motuʻá kae kamata ha moʻui foʻou. Naʻe tokoni hoku papitaisó ke u kau ki he Siasi ʻo Sīsū Kalaisí mo teuteu ke maʻu ʻa e ngaahi ouau kehé.

ʻOku ou fai hoku lelei tahá ke lau ʻa e folofolá he ʻoku nau ʻomi moʻoni au ke u ofi ange ki he ʻOtuá. ʻOku tokoniʻi au ʻe he folofolá ke u ongoʻi nonga ange, pea ʻi he taimi ʻoku ou nonga aí, ʻoku lava ke u fanongo lelei ange ai ki he Laumālié.