“ʻE Tutuʻu ʻa e Kau Pekiá ʻi he ʻAo ʻo e ʻOtuá,” Ki Hono Fakamālohi ʻo e Toʻu Tupú, Tīsema 2023.
ʻOtu Lea ki he ʻOtu Lea
ʻE Tutuʻu ʻa e Kau Pekiá ʻi he ʻAo ʻo e ʻOtuá
ʻI he fakahā ko ʻení, naʻe mamata ʻa Sione ki he Fakamaau Fakaʻosí.
ʻOkú Ne Toe Hāʻele Mai ke Angi mo Pule, Tā ʻe Mary Sauer
ko e pekiá, ʻa e iiki mo e lalahi, naʻe tutuʻu ʻi he ʻao ʻo e ʻOtuá
ʻOku ʻomi ʻe he mālohi ʻo e Toetuʻu ʻa Sīsū Kalaisí ʻa e kakai kotoa pē ki he ʻao ʻo e ʻOtuá ke fakamāuʻi (vakai, ʻAlamā 11:42–44; 33:22; 40:21; Hilamani 14:15–17; Molomona 9:13–14).
naʻe folahi mo e ngaahi tohí
ʻOku fakafofongaʻi ʻe he ngaahi tohí ni ʻa e ngaahi lekooti naʻe tauhi ʻi he māmaní ʻo e meʻa naʻe fai ʻe he kakai ʻi he māmaní ke muimui ʻi he hala ʻo e fuakavá (vakai, Tokāteline mo e Ngaahi Fuakava 128:7).
ko e tohi ʻo e moʻuí
“ʻOku ʻuhinga ʻa e Tohi ʻo e Moʻuí ʻi he tafaʻaki ʻe taha ki hono fakakātoa ʻo e ngaahi fakakaukau mo e ngaahi ngāue ʻa ha taha—ʻa ia ko e lekooti ʻo ʻene moʻuí. Neongo iá, ʻoku toe fakamahinoʻi mai foki ʻe he folofolá ʻoku tauhi ha lekooti fakalangi ʻo e kakai tui faivelengá, pea ʻoku kau ai honau hingoá mo e ngaahi fakamatala ki heʻenau ngaahi ngāue māʻoniʻoní” (Fakahinohino ki he Ngaahi Folofolá, “Tohi ʻo e Moʻuí,” scriptures.ChurchofJesusChrist.org).
fakamāuʻi
ʻOku hoko mai ʻa e Fakamaau Fakaʻosí hili ʻa e toetuʻu ʻa e kakaí. ʻE hoko ʻa Sīsū Kalaisi ko e Fakamaau ki he taha kotoa pē. ʻE fakapapauʻi ʻe he fakamaau ko ʻení ʻa e nāunau taʻengata ʻe maʻu ʻe he tokotaha kotoa pē. (Vakai, Fakahinohino ki he Ngaahi Folofolá, “Ko e Fakamaau Fakaʻosí,” scriptures.ChurchofJesusChrist.org; ʻAlamā 41:3–5; Tokāteline mo e Ngaahi Fuakava 88:26–32.)
fakatatau ki heʻenau ngaahi ngāué
ʻE fakamaauʻi ʻa e tokotaha kotoa pē ʻo fakatatau ki heʻenau ngaahi ngāué mo ʻenau ngaahi holí (vakai, Tokāteline mo e Ngaahi Fuakava 137:9). ʻE fakamāuʻi kinautolu pe naʻa nau talangofua ki he ngaahi fekau ʻa e ʻOtuá mo ngāue ʻo fakatatau mo e faʻahinga maama mo e moʻoni naʻa nau maʻu ʻi he moʻui ko ʻení.