“Ko e Kau Ngāue ʻi he Ngoue Vainé,” Ki Hono Fakamālohia ʻo e Toʻu Tupú, Tīsema 2023.
Ko e Ngaahi Talanoa Fakatātāʻa e Fakamoʻuí
Ko e Kau Ngāue ʻi he Ngoue Vainé
Ngaahi tā fakatātā ʻa Albert Pinilla
ʻI ha pongipongi ʻe taha, naʻe fakangāueʻi ai ʻe ha tangata ha kau ngāue ke tokoni kiate ia ʻi heʻene ngoue vainé. ʻOkú ne talaange te ne totongi kinautolu takitaha ʻaki ha paʻanga ʻe taha.
Naʻe tuʻo fā ʻi he ʻaho ko iá, ʻa hono fakangāueʻi ʻe he tangatá ha kau ngāue tokolahi ange mo palōmesi ke totongi kiate kinautolu ʻa e meʻa ʻoku totonú.
ʻI he fakaʻosinga ʻo e ʻahó, naʻá ne ʻoange ki he tokotaha ngāue takitaha ʻa e paʻanga lahi tatau, neongo naʻe ngāue fuoloa ange ha niʻihi ʻi ha niʻihi kehe.
Naʻe lāunga ʻa e kau ngāue naʻa nau ngāue ʻi he ʻaho kakató ʻo pehē ʻoku ʻikai ke faitotonu ʻa e tangatá.
Ka ʻokú ne fakamanatu kiate kinautolu naʻa nau takitaha maʻu ʻa e meʻa ne nau loto-fiemālie ki ai ʻi he kamataʻanga ʻo e ʻahó pea naʻe ʻaonga ʻa e angaʻofa ʻa e ʻEikí ki he kau ngāué kotoa.
Ko e Hā Te Tau Lava ʻo Akó?
Hangē pē ko e ʻaloʻofa ʻa e tangatá ki hono kotoa ʻo ʻene kau ngāué, ʻoku ʻaloʻofa mai ʻa e ʻOtuá kiate kitautolu. ʻOkú Ne finangalo ke tau haʻu kotoa ʻo kau fakataha mo Ia ʻi Hono puleʻangá. ʻOku ʻikai teitei tōmui ke hū pe foki ki he hala ʻo e fuakavá pea feinga ke hoko ʻo hangē ko e Fakamoʻuí. Pea te Ne lava ʻo tāpuekina kitautolu. ʻOku ʻikai totonu ke tau meheka ʻi he taimi ʻoku fili ai e ʻOtuá ke tāpuekina foki mo e niʻihi kehé. Ka te tau lava ʻo fiefia kiate kinautolu pea fiefia ʻi he ngaahi meʻa kuo foaki mai ʻe he ʻOtuá maʻatautolú. Pea ko ha tāpuaki foki mo e taimi ʻoku tau fakaʻaongaʻi ke ngāue ai ʻi he ngoue vaine ʻa e ʻOtuá!