“Ngaahi Founga ʻe 6 ke Ongoʻi ai ʻa e Melino ʻo e Maama ʻa Kalaisí ʻi he Kilisimasi Ko ʻEní,” Ki Hono Fakamālohia ʻo e Toʻu Tupú, Tīsema 2023
Ngaahi Founga ʻe 6 ke Ongoʻi ai ʻa e Melino ʻoe Maama ʻa Kalaisí ʻi he Kilisimasi Ko ʻEní
Huluʻi ha kasa ke maʻu ai ha ngaahi fakakaukau.
Ngaahi tā fakatātā ʻa Jarom Vogel
ʻE lava ke kiʻi femoʻuekina mo fakamafasia ʻa e taimi Kilisimasí. ʻOku kau nai ʻi hoʻo faʻahitaʻu Kilisimasí ha taha ʻo e ngaahi meʻá ni?
“Fuʻu … lahi … ʻa e ngāue mei ʻapí!”
“Ko e hā ʻa e lahi ʻo e ngaahi fakaneifua ʻoku tau ngaohi?”
Ko hoku taimí nai ʻeni?”
“Sai, naʻe hoko ai ha maumau …”
“ʻOku ou tui naʻe fakaafeʻi ʻa e taha kotoa pē ki he paati Kilisimasí tukukehe pē au”
“Kātaki, he ʻikai te u lava ʻo tokoni, Mami. Fiemaʻu ke lele ki he ako soká!”
ʻI he taimi ʻe niʻihi ʻoku hanga ʻe he mafasia kotoa ko iá ʻo ʻai ke faingataʻa hano manatuʻi ʻa e ʻuhinga ʻoku tau fakamanatua moʻoni ai ʻa e Kilisimasí. Huluʻi ha maama ʻi mui he pēsí ke maʻu ha founga ʻe ono ke tokanga taha ai ki he maama ʻa e Fakamoʻuí mo maʻu ha nonga lahi ange ʻi he Kilisimasi ko ʻení.
Ki ha liliu ʻe maʻu ai ha fiefiá, fili ha mataʻifika pea tukupā ke fai ʻa e ʻekitivitií ʻi he ʻahó ni, kimuʻa peá ke ʻiloʻi pe ko e hā ia.
-
Kiʻi fakalongolongo ʻi ha miniti ʻe 5 ʻi he ʻahó ni pea manatu ki he Fakamoʻuí (vakai, Saame 46:10).
-
ʻAve ha text ʻo e ʻofá ki ha toko tolu ʻo hoʻo ngaahi kaungāmeʻá.
-
Ako ke ke tali ʻikai tuʻo taha ʻi ha kiʻi taimi (mahalo pē he ʻikai lava ke fai ia ki hoʻo faʻeé) koeʻuhí ke ke hao mei hono ʻai ke ke fuʻu loto-mamahí. Fili ha meʻa fakamafasia ʻe taha ʻoku ʻikai ke fuʻu fiemaʻu ʻo tukuange atu he ʻahó ni.
-
Hivaʻi pe fanongo ki ha hiva Kilisimasi fekauʻaki mo Sīsū Kalaisi.
-
ʻOua naʻa fakaʻaongaʻi ʻa e ʻinitanetí pe mītia fakasōsialéʻ i he houa ʻe 12 ka hokó. ʻOku kamata ʻi he taimí ni!
-
Fakahoko ha ngāue tokoni miniti ʻe nima maʻá ha mēmipa ʻo e fāmilí ʻi he ʻaho takitaha ʻi he ʻaho ʻe tolu ka hokó.
Ko Hono Valivali ʻa e Moveuveu faka-Kilisimasí
Ko e founga ʻeni ʻe taha ke ke ongoʻi nonga ai ʻi he taimi Kilisimasi ko ʻení. Valivali ʻa e peesi ko ʻení! Pe te ke tui ki ai pe ʻikai, ʻe lava ke tokoniʻi koe ʻe he valivalí ke fakafiemālieʻi ho loto-mafasiá. Fakakaukau ki he Fakamoʻuí lolotonga hoʻo fai iá, pea ʻe lava ke tokoni lahi ange ia.