“Ko e hā ʻa e ʻngaahi tui fakalotu faka-ʻĒpalahameʼ?,” Ki Hono Fakamālohia ʻo e Toʻu Tupú, Tīsema 2023.
ʻAi Hangatonu
Ko e hā ʻa e “ngaahi tui fakalotu faka-ʻĒpalahamé”?
ʻĒpalahame, tā ʻe Robert T. Barrett
Ko e taimi lahi, mahalo te ke fanongo ki ha taha ʻoku lea ki he “ngaahi tui fakalotu faka-ʻĒpalahamé.” Hangē ko ʻení, naʻe pehē ʻe Palesiteni Tāleni H. ʻOakesi, “Ko e foaki ki he niʻihi ʻoku faingataʻaʻiá ko ha tefitoʻi moʻoni ia ʻi he ngaahi lotu faka-ʻĒpalahame kotoa pē pea mo e ngaahi lotu kehé foki” (konifelenisi lahi ʻo ʻOkatopa 2022 [Liahona, Nōvema 2022, 6]).
Ko ia ai, ko e hā leva ʻa e “ngaahi tui fakalotu faka-ʻĒpalahamé”? Ko e tali nounoú ko e: tui Faka-Siú, tui faka-Kalisitiané, mo e ʻIsilamí. Ko hono ʻuhinga ʻoku ui peheʻi ai kinautolú ko ʻenau tui kotoa pē ko ha palōfita ʻa ʻĒpalahame pea naʻe fakafou mai ʻenau tui fakalotú ʻiate ia.
ʻOku maʻu ʻe he kau Siú mo e kau Kalisitiané ʻenau tui fekauʻaki mo ʻĒpalahamé mei he Fuakava Motuʻá. ʻOku maʻu ʻa e tui ʻa e kau Mosilemí fekauʻaki mo ʻĒpalahamé mei heʻenau folofola, ko e Kōlaní.
“ʻOku vakai ʻa e Kau Māʻoniʻoni ʻi he Ngaahi ʻAho Kimui Ní mo e Mosilemí kia ʻĒpalahame … ko ha sīpinga ʻo e faivelengá, faitotonú, mo e talangofua ki he ʻOtuá. ʻOku nau vakai ki ha vā fetuʻutaki ʻi he vahaʻa ʻo e ʻIsilamí, tui faka-Kalisitiané, mo e tui faka-Siú koeʻuhí ko ha tukufakaholo fakalaumālie angamaheni ʻoku fehokotaki mo ʻĒpalahame. ʻI he ʻuhinga ko ʻení, ʻoku faʻa ui ai ʻa e ngaahi tui fakalotu ʻe tolu ko ʻení ko e ʻngaahi tui faka-ʻĒpalahaméʼ” (Muslims and Latter-day Saints: Beliefs, Values, and Lifestyles, Gospel Library).