ពររបស់លោកអយ្យកោរបស់ប្អូន

បានសម្របសម្រួលមកពីសុន្ទរកថាសន្និសីទទូទៅនៅ ខែ មេសា ឆ្នាំ ២០២៣ ដោយ អែលឌើរ កាស្សូហីកូ យ៉ាម៉ាស្ស៊ីតា និង អែលឌើរ រែនដល ឃេ បិនណ្ណិត នៃ ពួកចិតសិបនាក់ ។

មានដំបូន្មានផ្ទាល់ខ្លួនមកពីព្រះអម្ចាស់ចំពោះប្អូន ។
ការប្រកាសអំពីពូជពង្សរបស់ប្អូននៅក្នុងវង្សនៃអ៊ីស្រាអែល ។
គឺជាព្រះគម្ពីរផ្ទាល់ខ្លួន ។
គឺពិសិដ្ឋ និងសម្ងាត់ ។
មិនបានគូសផែនទីនៃជីវិតរបស់ប្អូនទេ ។
មិនឆ្លើយទៅនឹងសំណួរទាំងអស់របស់ប្អូនទេ ។

ប្រសិនបើវាមិនបានប្រាប់អំពីព្រឹត្តិការណ៍ជីវិតដ៏សំខាន់ទេ សូមកុំកាត់យល់ថាប្អូននឹងគ្មានឱកាសនោះឡើយ ។ ពររបស់លោកអយ្យកោគឺអស់កល្ប ហើយបើប្អូនរស់នៅដោយមានភាពស័ក្ដិសម នោះសេចក្ដីសន្យានានាដែលមិនទាន់បានបំពេញនៅក្នុងជីវិតនេះ នឹងប្រទានឲ្យនៅក្នុងជីវិតខាងមុខ ។

តើប្អូនគួរមានអាយុប៉ុន្មាន ?

សមាជិកគួរមានភាពចាស់ទុំគ្រប់គ្រាន់ដើម្បីយល់អំពីសារៈសំខាន់ និងលក្ខណៈពិសិដ្ឋនៃពរជ័យ និងយល់អំពីគោលលទ្ធិគ្រឹះនៃដំណឹងល្អ ។
ជាការល្អ សមាជិកគួរតែមានវ័យក្មេងល្មម និងមានការសម្រេចចិត្តសំខាន់ៗជាច្រើនក្នុងជីវិតនៅពេលខាងមុខ ។

ជាពរដែលបានមកពីពរជ័យរបស់អ្នក

« ខ្ញុំអានពររបស់លោកអយ្យកោរបស់ខ្ញុំជាញឹកញាប់ និងប្រកបដោយការអធិស្ឋាន ។ វាបានជួយខ្ញុំឲ្យប្រែចិត្តជឿ និងមានការបន្ទាបខ្លួន ។ នៅពេលខ្ញុំអាន និងពិចារណាអំពីពររបស់លោកអយ្យកោ នោះខ្ញុំប្រាថ្នាចង់រស់នៅដោយភាពស័ក្ដិសមដើម្បីទទួលបានពរជ័យដែលបានសន្យាទាំងនោះ » ។

អែលឌើរ យ៉ាម៉ាស្ស៊ីតា