Na Tamata i Nifai Era Tisaipeli i Karisito

ka sa vakakina koi au

Ni sikovi ira na tamata yalododonu i Nifai na iVakabula vakaturicaketale, a sureti ira o Koya me ra “tara talega na we ni ivako” e Ligana kei na Yavana. A vinakata o Jisu me ra kila ni sai Koya “na Kalou ni vuravura taucoko, [ka] a vakamatei ena vuku ni ivalavala ca ni vuravura” (3 Nifai 11:14). Era a lako yani vei Jisu na lewevuqa vaka “yadudua.” Ni oti na veika era sotava vei Jisu Karisito, era a kila kina na Nifaiti ni o Koya na iVakabula a parofisaitaki tu (3 Nifai 11:15). E dina ga ni sega ni tu vakayago e matada nikua o Jisu Karisito, e se rawa tikoga ni da sotava na veika titobu vakayadua vata kei Koya.

Me vakataki ira na Nifaiti, au rawa ni lako mai vei Karisito, vuli vei Koya, ka vaqaqacotaka na noqu ivakadinadina me baleti Koya.