Na Taro Eso kei na Kena iSau

Meu na cakava vakacava me “cila na noqu rarama” ia au sega ni dau veimaliwai vakalevu?

“Mo nanuma tiko ni a vakadinadinataka na iVakabula, ‘Sai Au ga na rarama mo dou dulaka cake.’ E vakananuma o Koya vei keda ni na kauta mai o Koya na rarama kevaka eda na dusimaki ira na tani ki Vua.”

Peresitedi Bonnie H. Cordon, Peresitedi Raraba vakacegu ni Goneyalewa, koniferedi raraba ni Epe. 2020 (Ensign se Liaona, Me 2020, 80).

“Mo vakataki iko tu ga. Me kena ivakaraitaki, kakua ni vunitaka na dina nio dau wilika na nomu ivolanikalou, masu, se lako ki lotu. Ni da vakayacora na veika oqo ka dina tiko ga vakai keda, eda sa vakacilava vakalevu cake na noda rarama mai na ka eda nanuma! E sega ni gadrevi mo wasea e dua na ilavelave ni iVola i Momani e veisiga—vakacilava ga na nomu rarama nio dua na itokani dina ka tisaipeli i Karisito. Era na raica na tamata na nomu rarama ni cila tiko!”

Angel D., 17, Oregon, Amerika

“Au rawa ni vakacilava na noqu rarama ena noqu ivalavala niu sotava na veika dredre. Nida dauvosota, dautataro, ka vosoti ira era vakacudrui keda, sa rawa nida vakacilava na noda rarama me vaka na tisaipeli i Jisu Karisito.”

Èmile M.,17, Bahia, Brazil

“E dua na masu yalodina e rawa ni vukei iko mo ramase ena Rarama i Karisito. Au nanuma sara e dua na itaviqaravi ni veiqaravi vakadaukaulotu keirau a gole kina me keirau wasea na kosipeli. Au rere taumada, ia au masu ga vakai au au ciqoma na yaloqaqa meu wasea na kosipeli.”

Gerardine S., 14, Haut-Katanga, Democratic Republic of the Congo

“Au dau tovolea ena noqu vinaka duadua meu wasea na kosipeli vei ira na noqu itokani era sega ni lewe ni Lotu, ia au sega ni dau rawata baleta niu dau madua. Niu masu, e vukei au na Turaga meu vosa cake yani.”

Gustavo A., 13, Paraná, Brazil

“E dua na ka rawarawa me vaka na matadredredre vei ira na tamata kei na veitokani vinaka ni o veimaliwai kei ira na tani e rawa ni dua na rarama cecere.”

Lily W., 17, Utah, Amerika

Na vei isau ni taro sa kena inaki me veivuke ka veivakararamataki, ka sega ni ivakaro vakadonui ni ivunau ni Lotu.

Cava na Nomu Nanuma?

“O ira na noqu itokani vinaka era cakava tiko na digidigi eso au sega ni logaloga vinaka kina. Na cava meu cakava?

Vakauta mai na nomu isaunitaro kei na itaba ni bera nai ka 15 ni Okotova, 2024.

Imeli mai ena [e-mail]. Se gole kina ftsoy.ChurchofJesusChrist.org ka tabaka na “Submit Your Work.” Saini ni curu e na nomu Akaude ni Lotu ka digitaka na “For the Strength of Youth” e na ruku ni “Choose Magazine.” Tabaka na “Add File” mo digitaka kina na nomu faile kei na itaba, ka qai tabaka na “Submit” mo vakavodoka ka vakauta mai na nomu faile.

Ena rawa ni moici na nomuni itukutuku me baleta na kena balavu se na kena matata.