Semati

James B.

13, Rizal, Yatu Filipaini

Ena dua na gauna sa oti, keimami a lako kina valetabu me baleta e dua na itaviqaravi ni tabanalevu me caka papitaiso ena vukudra na mate. Na valetabu e vale ni Kalou, kau vakila niu taqomaki ka marau e kea.

E veivuke talega na ivolanikalou me vakamalumutaka na noqu lomaocaoca. Niu wilika e dau vakananuma vei au ni na sega ni biuti au na Tamada Vakalomalagi kei Jisu Karisito. Niu dau lomatarotaro se au sega ni kila na ka meu cakava e koronivuli, au rawa ni vakila ni Rau dau dusimaki au ka vukei au. Kevaka e dua na noqu veitarogi se tiko e dua na ka au sega ni kila, au dau masu eliu ka qai cakava na noqu itavi meu railesuva.

E lomani keda vakalevu na Tamada Vakalomalagi kei Jisu Karisito. E dodonu meda dau nanumi Rau tikoga ka kakua ni vakayalia noda vakabauta. E rawa nida veivutuni kevaka e tiko eso na ka eda sa cakava cala. Kevaka eda yalodina tiko, eda na vakila ni Rau tiko vata kei keda.

Na ivolanikalou … e veivuke me vakamalumutaka na noqu lomaocaoca.

E 7,641 taucoko na yanuyanu ena Yatu Filipaini.

E dua na yanuyanu ena Yatu Filipaini (Camiguin) e levu cake na kena volokeno mai na tauni!

E tiko ena Yatu Filipaini na ikava ni iwiliwili levu duadua ni Yalododonu Edaidai e vuravura.