Na Vosa Eso me Bulataki
Veitacini Tagane kei na Yalewa vei Karisito
Tauri mai na dua na vosa ena koniferedi raraba ni Okotova 2023.
Droini mai vei Adam Nickelv
E vakavuvulitaka na kosipeli i Jisu Karisito nida sa luvena tagane kei na yalewa vakayalo kece na itubutubu vakalomalagi ka rau lomani keda vakaidina. E tu kece na keda ituvaki vakalou, noda ivotavota, kei na veika eda rawa ni rawata.
Nida sa tisaipeli i Karisito, eda sa sureti meda vakalevutaka na noda vakabauta, kei na noda lomani ira, na tacida kei na ganeda vakayalo.
Na rarama ni dua na siga vou e ramase cake ena noda bula nida raica ka maliwai ira na wekada ena rokovi kei na veidokai vaka-tacida tagane tacida yalewa vei Karisito.
Ena Gauna ni Nona cakacaka vakalotu e vuravura, a vakaraitaki vakavinaka sara kina o Jisu na ivakavuvuli oqo.
E sega ni dua na nona tikina na vakasama se ivakarau ni veivakaduiduitaki ena nodra itikotiko na Yalododonu.
Eda sa sureti meda lako vata, ena vakacegu, ka vakasinaiti na yaloda ena loloma vua na Kalou kei ira na tamata kecega.
Meda sa qai rekitaka vakalevu na vuvale vakayalo eda sa tiko kina ka doka na duidui itovo kei na veimataqali isolisoli sa tu vei keda kece.