Ki Uto ni Tukutuku

E kauwaitaka beka na Lotu na politiki kei na matanitu?

Na politiki kei na matanitu e vakayaco-ka kina noda bula, oka kina na noda rawa ni sokalou, kei Na Lotu i Jisu Karisito ni Yalododonu Edaidai e dau vakayaloqaqataki ira na lewena me ra vakaitavi kina. Mai vei ira na Nona parofita, sa solia vei keda na Turaga na ivakavuvuli dina, ka sa vakatau vei keda yadua meda vakayagataka na ivakavuvuli oqori ena veimataqali ituvaki ni noda bula, oka kina na noda vakaitavi ena politiki kei na matanitu. Na veivanua duidui eso e duidui na kena lawa, ka sa vakayaloqaqataki keda na Lotu meda vakaitavi ena kena cava ga eda rawata.

Na Lotu vakaikoya e sega ni tokona e dua na isoqosoqo, vatavata, se dua na mata vakaturi vakapolitiki. E tu galala tu ga vakapolitiki. Ka sega ni dau tukuna vei keda na Lotu na sala meda digidigi kina. E vakananumi keda ga ni sa tukuna vei keda na Turaga me da vakasaqarai ira ka tokoni ira na iliuliu yalodina, vinaka, ka vuku (raica na Vunau kei na Veiyalayalati 98:10). Ka so na gauna e dau vakaraitaka na itukutuku raraba me baleta na veika vakapolitiki e baleta na veika ni bula savasava se na ivakarau ni Lotu.

E vakayaloqaqataki ira talega na lewena na Lotu mera veivuke ena kena caka na nodra vanua vinaka vakaitikotiko mera bula ka susuga cake kina na matavuvale. E vuqa tu na inaki vinaka eda rawa ni vakaitavi kina me vukea na vakavinakataki ni veika ena vanua cava ga eda tu kina.

Raica na iVoladusidusi Raraba, 38.8.30, Valenivola ni Kosipeli; Yavu ni Vakabauta 1:11–12.