James B.

13, Rizal, Filipaina

I sina taimi ua mavae atu, sa matou o ai i le malumalu mo se gaoioiga a le uarota e faia papatisoga mo e ua maliliu. O le malumalu o le maota o le Atua, ma ou te lagona le saogalemu ma le fiafia iina.

E fesoasoani foi tusitusiga paia e faatoafilemu ai lo’u atuatuvale. O le faitauina [o tusitusiga paia] e faamanatu mai ai ia te a’u o le a le tuua a’u e le Tama Faalelagi ma Iesu Keriso. Pe a i ai ni a’u fesili pe ou te le iloa le mea e fai i le aoga, e mafai ona ou lagonaina lo La taialaina o a’u ma fesoasoani mai ia te a’u. Afai e i ai sa’u suega pe o i ai se mea ou te le malamalama i ai, ou te tatalo muamua ona fai lea o la’u vaega e iloilo.

E alofa tele le Tama Faalelagi ma Iesu Keriso ia i tatou. E tatau ona tatou manatuaina i La’ua i taimi uma ma ia lē aveesea ai lo tatou faatuatua. E mafai ona tatou salamo pe afai e i ai ni mea sese ua tatou faia. Afai tatou te faamaoni, o le a tatou lagonaina i La’ua o loo faatasi ma i tatou.