Tuusao i le Mataupu
Pe popole le Ekalesia i faiga faaupufai ma malo?
O tulaga faaupufai ma faiga malo e aafia ai o tatou olaga, e aofia ai lo tatou gafatia e tapuai, ma O Le Ekalesia a Iesu Keriso o le Au Paia o Aso e Gata Ai e uunaia ona tagata ina ia auai i ai. E ala mai i Ana perofeta, ua tuuina mai ai e le Alii ia i tatou ni mataupu faavae moni, ma ua tuuina mai ia i tatou taitoatasi le faitalia i le faaaogaina o na mataupu faavae i vaega eseese o o tatou olaga, e aofia ai lo tatou gauai atu i faiga faaupufai ma malo. O nofoaga eseese e eseese tulafono, ma e uunaia i tatou e le Ekalesia e auai i soo se auala tatou te mafai ai.
O le Ekalesia lava ia, e na te le tuuina atu se lagolago patino po o se faamaoniga i soo se vaega faaupufai, o ni tulaga patino, po o se sui tauva. E le faaitu’au i faiga faaupufai. Ma e le ta’u maia e le Ekalesia ia i tatou le auala e palota ai. E na ona faamanatu mai lava ia i tatou ua ta’u mai e le Alii ia i tatou e saili ma lagolago taitai o e faamaoni, lelei, ma atamamai (tagai i le Mataupu Faavae ma Feagaiga 98:10). Ma o nisi taimi e faia ai ni faamatalaga aloaia faalauaitele e uiga i mataupu faaupufai e faatatau i mataupu tau i le ola mama po o faiga masani a le Ekalesia.
E uunaia foi e le Ekalesia ia tagata o le ekalesia e fesoasoani e faia o latou nuu o ni nofoaga lelei e nonofo ai ma tausia ai ni aiga. E tele ni faatinoga lelei e mafai ona tatou auai ai e fesoasoani e faaleleia mea po o fea lava o tatou i ai.
Tagai i le Tusitaulima Aoao, 38.8.30, Potutusi o le Talalelei; Mataupu Faavae o le Faatuatua 1:11–12.